കേരള മസാജ്, മല്ലു മസാജ്, മലബാറി മസാജ് തുടങ്ങി കുപ്രസിദ്ധമായ സോളാറിന്റെ പേരുവച്ചു വരെ മസാജ് സെന്ററുകളുടെ കാർഡുകളും ഫേസ്ബുക്ക് ഉൾപ്പെടെ ഉള്ള മാധ്യമങ്ങളിൽ പരസ്യങ്ങളും നിറയുകയാണ്. മലയാളികളെ നാണം കെടുത്തും വിധത്തിലാണ് ദുബായ് ഉൾപ്പെടെ ഉള്ള നഗരങ്ങളിൽ നടക്കുന്ന മസാജ് പാർലറുകളുടെ പരസ്യങ്ങൾ. ഇവയിൽ പലതും അനധികൃത മസാജ് പാർലറുകളാണ്.

കരാമയിൽ വ്യാപകമായി വിതരണം ചെയ്യപ്പെട്ട ഒരു മലയാളി മസാജ് സ്പായുടെ പരസ്യത്തിൽ കാണാനാകുക പ്രശസ്തയായ ഒരു മലയാളി യുവനടിയുടെ ചിത്രമാണ്. കേരളീയ വേഷം ധരിച്ചുകൊണ്ട് യൗവ്വന കാന്തിയോടെ പുഞ്ചിരിച്ചിരിക്കുന്ന ഇവരുടെ ചിത്രത്തിലെ നമ്പറിൽ ബന്ധപ്പെട്ടാൽ മനസ്സിലാകുക മസാജ് മാത്രമല്ല 100 ദിർഹം നൽകിയാൽ ഫുൾ സർവീസും നൽകും എന്നതാണ്. മോഹൻലാൽ-മഞ്ജുവാര്യർ സത്യൻ അന്തിക്കാട് കൂട്ടുകെട്ടിന്റെയും പ്രിയദർശൻ ഉൾപ്പെടെ ഉള്ളവരുടേയും ചിത്രത്തിൽ അഭിനയിച്ച കുടുമ്പിനിയായ ഈ നടിക്ക് ഉണ്ടാകുന്ന മാനഹാനി ചെറുതല്ല.

ഇവരെ കൂടാതെ പ്രമുഖരായ പല നടിമാരുടേയും ചിത്രങ്ങൾ ഇത്തരം കാർഡുകളിൽ പ്രത്യക്ഷപ്പെടാറുണ്ട്. തങ്ങളുടെ ചിത്രങ്ങൾ ദുരുപയോഗം ചെയ്തുകൊണ്ട് ദുബായിൽ അനാശാസ്യകേന്ദ്രങ്ങൾ ഉപഭോക്താക്കളെ ആകർഷിക്കുന്ന വിവരം പാവം നടിമാർ അറിയുന്നില്ല. നേരത്തെ സരിത എസ് നായരുടെ ചിത്രം വച്ചുകൊണ്ട് സോളാർ എന്നൊരു മസാജ് സെന്ററും കരാമയിൽ പ്രവർത്തിച്ചിരുന്നു. എന്നാൽ പിന്നീട് ഇത് അടച്ചു പൂട്ടുകയായിരുന്നു. അധികവും സെറ്റുസാരിയിൽ ഉള്ള കേരളീയ സ്ത്രീകളുടെ ചിത്രങ്ങളാണ് മസാജ് സെന്ററുകാർ പരസ്യത്തിനായി ഉപയോഗിക്കുന്നത്. അനധികൃത മസാജ് സെന്ററുകൾ കരാമയിലും ദേരയിലും ഇന്റർനാഷ്ണൽ സിറ്റിയിലും ഉൾപ്പെടെ ചിലയിടങ്ങളിൽ വ്യാപകമാണ്. ഇവയിൽ ചിലയിടങ്ങളിൽ ചെല്ലുന്നവരെ ഭീഷണിപ്പെടുത്തി പണം കവരുകയും ഒപ്പം മർദ്ദിക്കുകയും ചെയ്യുന്നതായും പലരും മാനഹാനി ഭയന്ന് പുറത്ത് പറയുന്നില്ല എന്നും സൂചനയുണ്ട്.

ധാരാളം മലയാളി സ്ത്രീകൾ മസാജ് സെന്ററുകളിൽ പ്രവർത്തിക്കുന്നുണ്ട്. ഹാപ്പി എന്റിംഗ് ആണ് മിക്കവരും ഓഫർ ചെയ്യുന്ന ഒരു കാര്യം. ചിലയിടങ്ങളിൽ ഫുൾ സസർവീസ് എന്ന പേരിൽ അറിയപ്പെടുന്ന പരിപൂർണ്ണലൈംഗിക ബന്ധവും നടത്തുന്നുണ്ട് എന്നാണ് മനസ്സിലാകുന്നത്. ഇതിനായി നൂറു മുതൽ ഇരുനൂറ്റി അമ്പത് ദിർഹം വരെയാണ് പലരും ഒരു മണിക്കൂർ നേരത്തെ സർവ്വീസിനായി ഈടാക്കുന്നത്. ഏജന്റുമാരായി പ്രവർത്തിക്കുന്നത് മലയാളികളൂം ബംഗാളികളുമാണ്.ധാരാളം റസ്റ്റോറന്റുകൾ ഉള്ള കരാമയിൽ അവധി ദിവസങ്ങളിൽ കുടുമ്പ സമേതം എത്തുന്നവർ അനവധി പേരുണ്ട്. ഇവരുടെ കാറുകളിൽ ഇത്തരം മസാജ് സെന്ററുകളുടെ സ്റ്റിക്കറുകൾ പതിക്കുന്നത് വലിയ ശല്യമായി മാറിയിട്ടുണ്ട്.

കരാമയിലെ തെരുവുകളിലൂടെ നടക്കുമ്പോൾ അർദ്ധനഗ്ന ചിത്രങ്ങളും ഒപ്പം മലയാളി മസാജ് പരസ്യങ്ങളും കുടുമ്പ സമേതം അതുവഴി കടന്നു പോകുന്നവർക്ക് നാണക്കേടും ഉണ്ടാക്കുന്നു. മലയാളി സ്ത്രീകൾ മോശക്കാരാണ് എന്ന ഒരു ധാരണ ഇതര സമൂഹങ്ങളിൽ ഉണ്ടാക്കുവാനും ഇത്തരക്കാരുടെ പ്രവർത്തികൾ കാരണമാക്കുന്നുണ്ട്.