സിനിമ നടൻ സിദ്ധാർഥിന്റെ ഭാര്യ തൂങ്ങി മരിച്ച നിലയില്... ദാമ്പത്യ പ്രശ്നങ്ങളെ തുടർന്ന് ആത്മഹത്യ ചെയ്തതാകാമെന്ന് പ്രാഥമിക നിഗമനം; കുടുംബാംഗങ്ങളെയും സുഹൃത്തുക്കളെയും ചോദ്യം ചെയ്യുമെന്ന് പൊലീസ്
തമിഴ് പുതുമുഖ നടൻ സിദ്ധാർഥ് ഗോപിനാഥിന്റെ ഭാര്യ സ്മൃജയെ വസതിയിൽ തൂങ്ങി മരിച്ച നിലയിൽ കണ്ടെത്തി. ദാമ്പത്യ പ്രശ്നങ്ങളെ തുടർന്ന് ആത്മഹത്യ ചെയ്തതാകാമെന്നാണ് പ്രാഥമിക നിഗമനം. സംഭവത്തിൽ സിദ്ധാർഥിനെ പൊലീസ് ചോദ്യം ചെയ്തു. ഇവരുടെ കുടുംബാംഗങ്ങളെയും, സുഹൃത്തുക്കളെയും ചോദ്യം ചെയ്യുമെന്നും പൊലീസ് പറഞ്ഞു. സംഭവത്തിനു പിന്നിൽ മറ്റു കാരണങ്ങളുണ്ടോയെന്നും അന്വേഷിക്കും.
അതേസമയം സംഭവദിവസം ഭാര്യയുമായി വാക്ക് തര്ക്കമുണ്ടായതായി സിദ്ധാർഥ് മൊഴി നൽകി. വഴക്കിനിടെ സ്മൃജ കിടപ്പു മുറിയിൽ കയറി കതകടച്ചതായും, പിറ്റേന്നു രാവിലെ ഏറെ നേരം വിളിച്ചിട്ടും വാതിൽ തുറക്കാത്തതിനെ തുടർന്നാണ് പൊലീസിൽ വിവരം അറിയിച്ചതെന്നും സിദ്ധാർഥ് പറഞ്ഞു.
https://www.facebook.com/Malayalivartha