67ലും യുവാവായി മമ്മൂട്ടി ആരാധകര്ക്കൊപ്പം
മമ്മൂട്ടിയ്ക്കിത്രയും പ്രായമായോ എന്ന് മൂക്കത്ത് വിരല് വയ്ക്കുന്നവരാണ് മലയാളികള്. യൗവനത്തിന്റെ പ്രസരിപ്പിന്റെ കാരണം മമ്മൂട്ടിയുടെ കഠിനാധ്വാനമാണ്. മമ്മൂക്കയുടെ പിറന്നാളിന് സര്പ്രൈസ് ഒരുക്കി ആരാധകര് രംഗത്തെത്തി.
മെഗാതാരത്തിന്റെ 67ാം ജന്മദിനത്തില് ആരാധകര് ഒന്നടങ്കം ഏറ്റെടുത്തിരിക്കുകയാണ് ഒരു വീഡിയോ. ഒരു കൂട്ടം ആരാധകര് പിറന്നാള് ആശംസകളുമായി എത്തിയതിന്റെ ദൃശ്യങ്ങളാണ് നവമാധ്യമങ്ങളില് പടര്ന്നു പിടിക്കുന്നത്.
കാറില് നിന്നും വീട്ടിലേക്ക് കയറാന് തുടങ്ങുമ്പോഴാണ് ഗേറ്റിന് പുറത്ത് വന്ന ആരാധകര് ആശംസകള് പാടി അറിയിച്ചത്. ഹാപ്പി ബെര്ത്ത് ഡേ മമ്മൂക്കാ എന്ന് അവര് വിളിച്ചുപറഞ്ഞപ്പോള് തന്നെ അദ്ദേഹം വീടിന് പുറത്തേക്ക് എത്തി. പിന്നീട് അദ്ദേഹം കേക്ക് വേണോ എന്ന് ഉറക്കെ ചോദിക്കുകയും ചെയ്തു. ആവേശങ്ങളുടെ അതിര് വിട്ട ആരാധകര് കേക്ക് വേണമെന്ന് വിളിച്ചുപറയുകയും ചെയ്തു.
മിനിട്ടുകള്ക്കുള്ളില് ദുല്ഖര് സല്മാനും എത്തി. പിന്നീട് കേക്ക് വിതരണം ദുല്ഖര് ഏറ്റെടുക്കുകയും ചെയ്തു. ഈ ദൃശ്യങ്ങള് ആഹ്ലാദത്തോടെയാണ് ആരാധകര് പങ്കുവച്ചിരിക്കുന്നത്.
https://www.facebook.com/Malayalivartha
