ഒരു ദിവസം നിങ്ങൾ മനസിലാക്കും ഞങ്ങൾ സുഹൃത്തായിരുന്നോ വില്ലനായിരുന്നോ എന്നൊക്കെ.. മണിയുമായുള്ള സൗഹൃദത്തിന്റെ പേരില് ഇന്നും ഞങ്ങള് തീ തിന്നു കൊണ്ടിരിക്കുകയാണ്... തോപ്പില് ജോപ്പനില് അഭിനയിക്കാന് മേക്കപ്പ് ഇട്ടതിന് ശേഷം പിന്മാറേണ്ടിവന്നു... സിനിമയില് നിന്ന് അകന്നുപോയ എന്നെ വീണ്ടും തിരിച്ചു കൊണ്ടുവരുന്നത് നാദിര്ഷയാണ്; മനസ് തുറന്ന് ജാഫര് ഇടുക്കി
മണിയുമായുള്ള സൗഹൃദത്തിന്റെ പേരില് ഇന്നും ഞങ്ങള് നാല്പതു പേര് തീ തിന്നു കൊണ്ടിരിക്കുകയാണ്. സിബിഐ ഏറ്റെടുത്ത കേസ് തെളിയുന്നതോടെ മാത്രമേ എന്നെ പോലെയുള്ള ആളുകള് മണിയുടെ സുഹൃത്തായിരുന്നോ വില്ലനായിരുന്നോ എന്നൊക്കെ തെളിയുകയുള്ളൂ. ഓഫറുകള് വന്നിരുന്നു. പക്ഷേ സ്വീകരിക്കാന് മനസനുവദിച്ചില്ല. ജാഫര് പറയുന്നു.
കലാഭവന് മണിയുടെ മരണത്തോടെ വിവാദത്തില് പെട്ട നടനാണ് ജാഫര് ഇടുക്കി. മിമിക്രിയിലൂടെ സിനിമയിലെത്തിയ താരമാണ് ജാഫര് ഇടുക്കി. എന്നാല് കലാഭവന് മണിയുടെ മരണം ജാഫറിന്റെ ജീവിതം തന്നെ മാറ്റിമറിച്ചു. മരണത്തിൽ പങ്കാളിയാണെന്നുള്ള സംശയനിഴലിൽ ജാഫറും പെട്ടു. തലേദിവസം മണിക്കൊപ്പം പാഡിയില് ഉണ്ടായിരുന്നുവെന്ന വെളിപ്പെടുത്തലാണ് ജാഫറിന്റെ ജീവിതത്തെ മാറ്റിമറിച്ചത്. അതോടെ പല സിനിമകളില് നിന്നും താരം സ്വയം ഒഴിവായി.
ഇതേ കുറിച്ച് ഇപ്പോള് താരം തന്നെ പ്രതികരിച്ചിരിക്കുകയാണ്. ചാനലുകളിലും പത്രങ്ങളിലും വരുന്ന ആരോപണങ്ങള് കുടുംബാംഗങ്ങള്ക്ക് വലിയ വിഷമമാണുണ്ടാക്കിയത്. തോപ്പില് ജോപ്പനില് അഭിനയിക്കാന് മേക്കപ്പ് ഇട്ടതിന് ശേഷമാണ് പിന്മാറിയത്. മഹേഷിന്റെ പ്രതികാരത്തിലെ വേഷത്തിന് നല്ല പ്രതികരണം ലഭിച്ച് നില്ക്കുമ്പോളായിരുന്നു മണിയുടെ മരണം. സിനിമയില് നിന്ന് അകന്നുപോയ എന്നെ നാദിര്ഷയാണ് വീണ്ടും തിരിച്ചു കൊണ്ടുവരുന്നത്. രണ്ടാം വരവിലിപ്പോള് പന്ത്രണ്ടോളം ചിത്രങ്ങളില് അഭിനയിച്ചു കഴിഞ്ഞു എന്നും ജാഫര് പറയുകയാണ്.
https://www.facebook.com/Malayalivartha