ഐറ്റം ഡാന്സുമായി പ്രേക്ഷകരെ കോരിത്തരിപ്പിച്ച് മലൈക അറോറ
വയസൊരു പ്രശ്നമല്ലെന്ന് തെളിയിച്ചിരിക്കുകയാണ് മലൈക അറോറ. 44ാം വയസ്സിലും പ്രേക്ഷകരെ ആകര്ഷിക്കുകയാണ് മലൈക. ത്രസിപ്പിക്കുന്ന ഐറ്റം ഡാന്സുമായിട്ടാണ് വരവ്. വിശാല് ഭരദ്വാജിന്റെ പടാഖ എന്ന ചിത്രത്തിലാണ് ഐറ്റം ഡാന്സ്. വിശാലിന്റെ ഭാര്യ രേഖ ഭരദ്വാജ് ആണ് ഹലോ ഹലോ എന്നു തുടങ്ങുന്ന ഗാനം ആലപിച്ചിരിക്കുന്നത്.
ഗുല്സാറിന്റെ വരികള്ക്ക് വിഷാല് ഭരദ്വാജ് തന്നെ സംഗീതം നല്കിയിരിക്കുന്നു. ത്രസിപ്പിക്കുന്ന നൃത്തച്ചുവടുകളുമായി ആടി തിമര്ക്കുകയാണ് മലൈക അറോറ. ഗണേഷ് ആചാര്യയുടേതാണ് കൊറിയോഗ്രാഫി. പരസ്പരം പോരടിക്കുന്ന സഹോദരിമാരുടെ കഥ പറയുന്ന ചിത്രമാണ് വിശാല് ഭരദ്വാജിന്റെ പടാഖ.
ചരണ് സിംഗ് പഥികിന്റെ ചെറുകഥയെ അടിസ്ഥാനമാക്കിയൊരുക്കിയ ചിത്രമാണിത്. ജീവിതത്തിലുടനീളം ശത്രുക്കളെ പോലെ പരസ്പരം പോരടിച്ച് ജീവിക്കുന്ന സഹോദരിമാരായി, സന്യ മല്ഹോത്രയും പുതുമുഖനായിക രാധിക മദനുമെത്തുന്നു.
പരസ്പരം ശത്രുത കൊണ്ടുനടക്കുന്ന സഹോദരിമാരുടെ ജീവിതത്തില് വിവാഹത്തോടെയുണ്ടാകുന്ന മാറ്റങ്ങളെ കുറിച്ചാണ് സിനിമ പറയുന്നത്.
https://www.facebook.com/Malayalivartha