മമ്മയ്ക്കും ഡാഡയ്ക്കും ഇത് വിശ്വസിക്കാനാകുന്നില്ല.. എന്റെ സൂര്യപ്രകാശത്തിന് ഇന്ന് നാലുവയസ്; ഒരു വര്ഷത്തിന് ശേഷം മകളുടെ മുഖം കാണിച്ച് പൃഥ്വി
പൃഥ്വിയുടെ മകള് അലംകൃതയ്ക്കും പൃഥ്വിരാജിനെ പോലെ തന്നെ നിരവധി ആരാധകരാണ് ഉള്ളത്. തങ്ങളുടെ കുഞ്ഞു മാലാഖയുടെ ഫോട്ടോ ആദ്യമായി പുറത്ത് വിട്ടതും അലംകൃതയുടെ മൂന്നാം പിറന്നാള് ദിനത്തിലാണ്. അതിനുശേഷം സോഷ്യല് മീഡിയയില് കുഞ്ഞു മാലാഖയുടെ ചിത്രം വൈറലായിരുന്നു.
അലംകൃതയ്ക്ക് ഇന്ന് നാലാം പിറന്നാളാണ്. 'എന്റെ സൂര്യപ്രകാശത്തിന് ഇന്ന് നാലുവയസ്. മമ്മയ്ക്കും ഡാഡയ്ക്കും ഇത് വിശ്വസിക്കാനാകുന്നില്ല. ആശംസകളര്പ്പിച്ച എല്ലാവര്ക്കും നന്ദി' യെന്ന് പൃഥ്വിരാജ് കുറിച്ചു. മകളുടെ ചിത്രം പങ്കുവച്ചുകൊണ്ടാണ് പൃഥ്വിരാജിന്റെ കുറിപ്പ്.
മകളുടെ മുഖം കാണിക്കുന്ന ചിത്രം ഒരു ഒരു വര്ഷത്തിന് ശേഷമാണ് താരം പുറത്തുവിടുന്നത്. സ്കൂളില് ചേര്ന്നതുള്പ്പടെ മകളുടെ വളര്ച്ചയുടെ ഓരോ നിമിഷവും പൃഥ്വിരാജ് സമൂഹമാധ്യമങ്ങളില് പങ്കുവയ്ക്കാറുണ്ടെങ്കിലും മിക്ക ചിത്രങ്ങളിലും കുഞ്ഞിന്റെ മുഖം കാണിക്കാറില്ലായിരുന്നു.
പത്ത് ആനയെ മേയ്ക്കുന്നതിന് തുല്യമാണ് രാജുവിന്റെ മകളെ നോക്കുന്നതെന്ന് പൃഥ്വിയുടെ 'അമ്മ മല്ലിക സുകുമാരനും ഒരു അഭിമുഖത്തില് പറഞ്ഞിരുന്നു. നല്ല കുസൃതിയും വാശിയും ഉണ്ടെന്നായിരുന്നു മല്ലിക പറഞ്ഞത്.
അലംകൃത ഇപ്പോള് സ്കൂളില് പോകുകയാണ്. മടിപിടിച്ച് വീട്ടില് ഇരിക്കാന് താല്പര്യമില്ലാത്ത കൂട്ടത്തിലാണ് മകളെന്ന് പൃഥ്വി പറയുന്നു. സ്കൂളില് പോകാന് അലംകൃതയ്ക്ക് ഇഷ്ടമാണെന്ന് പൃഥ്വി പറഞ്ഞിരുന്നു.
https://www.facebook.com/Malayalivartha