8-ാം മാസം തികഞ്ഞ കാവ്യയുടെ ബേബി ഷവര് ആഘോഷം; നിറവയറില് നില്ക്കുന്ന നടിയുടെ ആഘോഷ ചിത്രങ്ങള് പുറത്ത്...
കുടുംബാംഗങ്ങള്ക്കും അടുത്ത സുഹൃത്തുക്കള്ക്കുമൊപ്പം കാവ്യയുടെ ബേബി ഷവര് ആഘോഷം. ചിത്രങ്ങള് പുറത്തായതോടെ സോഷ്യല് മീഡിയയില് വൈറല്. കണ്മണിയെ വരവേല്ക്കാനൊരുങ്ങുന്നതിന്റെ സന്തോഷവും ആകാംക്ഷയും താരത്തിന്റെ മുഖത്തു കാണാം. ബേബി ഷവര് ആഘോഷം മാത്രമായിരുന്നില്ല, കഴിഞ്ഞ ദിവസം കാവ്യയുടെ 35-ാം പിറന്നാള് ആഘോഷം കൂടെയായിരുന്നു. എന്നാല് പോലും സ്വന്തം കുഞ്ഞിനെ വരവേല്ക്കാനൊരുങ്ങുന്ന സന്തോഷമാണ് കാവ്യയുടെ മുഖത്ത് നിറയെ.
ആലപ്പുഴയില് ഷൂട്ടിംഗിലായിരുന്ന നടന് ദിലീപ് ഈ ചടങ്ങിന് ഒരു ദിവസം മുമ്പേ തന്നെ കൊച്ചിയിലെത്തിയിരുന്നു. ബി ഉണ്ണികൃഷ്ണന് സംവിധാനം ചെയ്യുന്ന ദിലീപ് ചിത്രം നീതിയുടെ ഷൂട്ടിങാണ് ആലപ്പുഴയില് നടക്കുന്നത്. ബേബി ഷവര് ചടങ്ങും പിറന്നാളും ആഘോഷിക്കാനാണ് ദിലീപ് കാവ്യയുടെ അടുത്തേക്ക് എത്തിയത്.
ദിലീപും ആദ്യഭാര്യ മഞ്ജു വാര്യരും നിയമപരമായി വിവാഹ ബന്ധം വേര്പെടുത്തിയിരുന്നു. ഇതിന് ശേഷമാണ് കാവ്യ മാധവനെ ദിലീപ് വിവാഹം കഴിച്ചത്. മലയാള സിനിമയിലെ ജനപ്രിയ താരജോഡികളായ ദിലീപിനെയും കാവ്യയെയും ബന്ധിപ്പിച്ച് ഊഹാപോഹങ്ങള് ദീര്ഘകാലം ഉയര്ന്നിരുന്നു. 2016 നവംബര് 25 നായിരുന്നു ദിലീപും കാവ്യയും തമ്മിലുള്ള വിവാഹം കൊച്ചിയില് നടന്നത്. വിവാഹശേഷം അഭിനയം പൂര്ണമായും നിര്ത്തിയ കാവ്യ വീട്ടുകാര്യങ്ങളില് ശ്രദ്ധ ചെലുത്തി. ദിലീപിന്റെയും മഞ്ജുവിന്റെയും മകള് മീനാക്ഷി ഇപ്പോള് ദിലീപിനും കാവ്യയ്ക്കും ഒപ്പമാണ്. കുഞ്ഞിനായുളള കാത്തിരിപ്പിലാണ് ഇപ്പോള് മീനാക്ഷിയും.
https://www.facebook.com/Malayalivartha