ഉപ്പും മുളകിലെ ലച്ചുവിന് ഒരു ആഗ്രഹമുണ്ട് ... താരം പറയുന്നു
ഉപ്പും മുളകും എന്ന സീരിയലിലെ ലച്ചുവിനെ പ്രേക്ഷകര്ക്ക് ഒരുപാട് ഇഷ്ടമാണ്. പാതി മലയാളിയായ ജൂഹി റുസ്തഗിയാണ് ഉപ്പും മുളകിലും എത്തുന്ന ലച്ചു. ഒരു പിറന്നാൾ ആഘോഷത്തിൽ വച്ച് ജൂഹിയെ കണ്ട സംവിധായകന് ഉണ്ണിയാണ് താരത്തെ സീരിയലിലേക്ക് ക്ഷണിച്ചത്. അഭിനയത്തിനിടയിലും താരം ഫാഷൻ ഡിസൈനിങ് പഠിക്കുന്നുണ്ട്. അതുകഴിഞ്ഞാൽ ഒരു ബുട്ടീക് തുടങ്ങണമെന്നും, അതുകഴിഞ്ഞാൽ എയർ ഹോസ്റ്റസ് ആകണമെന്നുമാണ് താരത്തിന്റെ ലക്ഷ്യം.
അച്ഛന് ബിസിനസ് ആയിരുന്നതുകൊണ്ട് സ്ഥിരം യാത്രകളായിരുന്നു. അതുകൊണ്ട് ജനിച്ചത് കേരളത്തിലാണെങ്കിലും ജൂഹിയും,ചേട്ടൻ ചിരാഗും വളർന്നത് കന്യാകുമാരി മുതൽ ദൽഹി വരെയുള്ള പല വാടകവീടുകളിൽ ആയിരുന്നു. ഇതിനിടയ്ക്കായിരുന്നു ജൂഹിയുടെ അച്ഛന്റെ മരണം. അതൊരു വലിയ ഷോക്കായിരുന്നെനും, അതുമായി പൊരുത്തപ്പെടാൻ കുറച്ചു കാലമെടുത്തെന്നും ജൂഹി പറയുന്നു.
അച്ഛന്റെ നാട് രാജസ്ഥാൻ ആണെങ്കിലും അവിടെ ഇപ്പോൾ അധികം ബന്ധുക്കളില്ല. കൂടുതൽപേരും ഡൽഹി, മുംബൈ, ചെന്നൈ എന്നിവിടങ്ങളിലാണ് സ്ഥിരതാമസമാക്കിയത്. അമ്മയുടെ തറവാട് ചോറ്റാനിക്കരയായിരുന്നും കുറയെ നല്ല ഓർമ്മകൾ തനിക്ക് ഉണ്ടെന്നും ജൂഹി കൂട്ടിച്ചേർക്കുന്നു.
ഉപ്പും മുളകിലെ ലച്ചുവായി ജീവിക്കാൻ തുടങ്ങിയിട്ട് മൂന്നുവർഷമായിരിക്കുന്നു, കാക്കനാട് വാഴക്കാലയുള്ള ഒരു വീട്ടിലാണ് ഷൂട്ട്. ഇപ്പോൾ ആ വീടും കുടുംബവും സ്വന്തം വീടുപോലെയാണ്. ഞാനും അമ്മയും ചേട്ടനും ഇപ്പോൾ താമസിക്കുന്നത് ഇരുമ്പനത്താണ്. ഷൂട്ടിങ്ങിന്റെ സൗകര്യത്തിനായി ഞങ്ങൾ കാക്കനാടുള്ള വാടകവീട്ടിലേക്ക് താമസം മാറാനുള്ള ഒരുക്കത്തിലാണ്.
ഒടുവിൽ തന്റെ കുടുംബത്തിന്റെ വലിയ ആഗ്രഹം ജൂഹി തുറന്നുപറഞ്ഞു- ഞങ്ങളുടെ വലിയൊരു സ്വപ്നമാണ് സ്വന്തമായൊരു വീട്. പിന്നെ കേരളം വിടണം. മറ്റേതെങ്കിലും നഗരത്തിൽ കൂടുകൂട്ടണം. ജീവിതത്തിലെ ഭൂരിഭാഗവും ഇവിടുത്തെ വാടകവീടുകളിൽ ആയിരുന്നല്ലോ ചെലവഴിച്ചത്. ഇത്രയും കാലം ചെറിയ സൗകര്യങ്ങളിൽ കഴിഞ്ഞതുകൊണ്ട് ചെറിയ വീടുകളോടാണ് ഇഷ്ടം.
ഫ്ളാറ്റുകളോട് താൽപര്യമില്ല. മണ്ണിൽ ചവിട്ടി നടക്കാനാകണം. ധാരാളം കാറ്റും വെളിച്ചവും കയറണം. ചുറ്റിലും പച്ചപ്പും മരങ്ങളും ഉണ്ടാകണം. ഇടയ്ക്കിടയ്ക്ക് കേരളത്തിൽ വരണം. അങ്ങനെ ചെറിയ ആഗ്രഹങ്ങൾ... കുറച്ചു കാശ് സമ്പാദിച്ചു അതുപോലെ ഒരുവീട് പണിയുന്നതിനായി കാത്തിരിക്കുകയാണ് ഞാനും അമ്മയും ചേട്ടനും.
https://www.facebook.com/Malayalivartha