ബോളിവുഡിന്റെ താരസുന്ദരി സണ്ണി ലിയോണിന് കേരളത്തില്‍ ഏറെ ആരാധകരുണ്ട്. നടിയെന്നതിലുപരി അവര്‍ നിലപാടുകളില്‍ ഉറച്ചുനില്‍ക്കുന്ന വ്യക്തിത്വമാണെന്നത് ഏറെ ആകര്‍ഷകമായ കാര്യമാണ്.കൊച്ചിയില്‍ സണ്ണി ലിയോണ്‍ എത്തിയ ദിവസം കണ്ടതാണ് എത്രത്തോളം ആരാധകര്‍ കേരളത്തില്‍ ഉണ്ടെന്നതിന്. കൊച്ചിയില്‍ വന്‍ ജനാവലിയായിരുന്നു. ട്രാഫിക് സ്തംഭിച്ച ദിവസം കൂടിയായിരുന്നു. ഏറെപ്പേര്‍ അന്ന് എത്തിയത് സണ്ണിക്ക് ഒപ്പം സെല്‍ഫി എടുക്കാനായിരുന്നു. ഇനി സണ്ണി ലിയോണിനൊപ്പം സെല്‍ഫി എടുക്കുക എന്നത് എളുപ്പമുള്ള കാര്യമാവുകയാണ്. ഡല്‍ഹിയിലെ മാഡം ടുസ്സാഡ്‌സ് മ്യൂസിയത്തില്‍ സണ്ണിയുടെ അതിമനോഹരമായ മെഴുകു പ്രതിമയാണ് പണികഴിപ്പിച്ചിരിക്കുകയാണ്.

ഡല്‍ഹിയിലെ മാഡം ടുസ്സാഡ്സ്സ് മ്യൂസിയത്തില്‍ ചൊവ്വാഴ്ച്ച സണ്ണി തന്നെയാണ് പ്രതിമ അനാച്ഛാദനം ചെയ്തത്. ബോളിവുഡ് താരങ്ങളായ അമിതാബ് ബച്ചന്‍, ഷാരുഖ് ഖാന്‍ ഹൃത്വിക്ക് റോഷന്‍, സല്‍മാന്‍ ഖാന്‍, മാധുരി ദീക്ഷിത്, ഐശ്വര്യ റായി ബച്ചന്‍, കരീന കപൂര്‍, ക്രിക്കറ്റ് താരം വീരാട് കോലി, അനില്‍ കപൂര്‍ എന്നിവരുടെ പ്രതിമകള്‍ക്ക് ഒപ്പമാണ് സണ്ണിയുടെ പ്രതിമയും ഇടം പിടിച്ചിരിുക്കന്നത്.മറക്കാനാവാത്ത അനുഭവമാണിത്. എനിക്ക് വളരെയധികം സന്തോഷമുണ്ട്. നിരവധി പേര്‍ കഠിനാധ്വാനം ചെയ്തിട്ടാണ് മനോഹരമായ രീതിയില്‍ ഈ പ്രതിമ ഒരുക്കിയിരിക്കുന്നത്. അവരുടെ അധ്വാനത്തെ ഞാന്‍ പ്രശംസിക്കുന്നു. എന്നെ തിരെഞ്ഞെടുത്തത് ഒരു അംഗീകാരമായിട്ടാണ് കാണുന്നത്. പ്രതിമ അനാച്ഛാദനം ചെയ്തു കൊണ്ടു സണ്ണി ലിയോണ്‍ പറഞ്ഞു.സണ്ണിയുടെ ഭര്‍ത്താവ് ഡാനിയേല്‍ വെബ്ബറും പ്രതിമയുടെ ഭംഗിയില്‍ സന്തുഷ്ടനാണ്. ഇരുവരും പ്രതിമയ്‌ക്കൊപ്പം സെല്‍ഫിയെടുത്തും മറ്റും സന്തോഷം പങ്കിട്ടു.