ബോളിവുഡിലെ മിന്നും താരങ്ങള്‍ക്കൊപ്പം ടുസാഡ്‌സ് മ്യൂസിയത്തിലെ മെഴുക് പ്രതിമകള്‍ക്കൊപ്പം ഇനി സണ്ണിലിയോണും. താരത്തിന്റെ ഒറിജിനലിനെ വെല്ലുന്ന മെഴുക് പ്രതിമ പണികഴിപ്പിച്ചിരിക്കുകയാണ് ഡല്‍ഹിയിലെ ടുസാഡ്‌സ് മ്യൂസിയം.

ബോളിവുഡ് സെലബ്രിറ്റികളായ അമിതാഭ് ബച്ചന്‍, ഷാരൂഖ് ഖാന്‍, ഹൃത്വിക് റോഷന്‍, സല്‍മാന്‍ ഖാന്‍, ഐശ്വര്യ റായി ബച്ചന്‍, മാധുരി ദീക്ഷിത്, കരീന കപൂര്‍, വിരാട് കോഹ്ലി, അനില്‍ കപൂര്‍ എന്നീ താരങ്ങള്‍ക്ക് ഒപ്പമാണ് സണ്ണിയുടെ പ്രതിമയും സ്ഥാപിച്ചിരിക്കുന്നത്.

ചൊവ്വാഴ്ച താരം നേരിട്ടെത്തിയാണ് പ്രതിമ അനാച്ഛാദനം ചെയ്തത്. മറക്കാനാവാത്ത അനുഭവമാണ് തന്റെ മെഴുക് പ്രതിമ എന്നായിരുന്നു സൃഷ്ടിയോട് താരത്തിന്റെ പ്രതികരണം.''വളരെ സന്തോഷമുണ്ട്. നിരവധിപേരുടെ കഠിനാധ്വാനമാണ് ഈ ശില്പം'' സണ്ണി ലിയോണ്‍ മാധ്യമങ്ങളോട് പ്രതികരിച്ചു.

അവിസ്മരണീയമായ ഒരു അനുഭവമാണിത്. എനിക്കേറെ സന്തോഷമുണ്ട്. നിരവധി പേര്‍ ദിവസങ്ങളോളം കഠിനാധ്വാനം ചെയ്താണ് അതിമനോഹരമായ രീതിയില്‍ ഈ പ്രതിമ ഒരുക്കിയത് എന്നറിയാം.?ആ അധ്വാനത്തെ ഞാന്‍ അനുമോദിക്കുന്നു. എന്നെ തെരെഞ്ഞെടുത്തതിലും എനിക്ക് സന്തോഷമുണ്ട്, ഒരു അംഗീകാരമായിട്ടാണ് ഞാനിതിനെ കാണുന്നത് പ്രതിമ അനാച്ഛാദം ചെയ്തുകൊണ്ട് സണ്ണി ലിയോണ്‍ പറഞ്ഞു.

സണ്ണിയുടെ ഭര്‍ത്താവ് ഡാനിയേല്‍ വെബ്ബറും പ്രതിമയുടെ ഫിനിഷിംഗില്‍ സന്തുഷ്ടനാണ്. പ്രതിമയ്‌ക്കൊപ്പം പോസ് ചെയ്തും വീഡിയോ എടുത്തുമൊക്കെ ഡാനിയേലും തന്റെ സന്തോഷം പങ്കിട്ടു.ഇന്ന് വളരെ പ്രത്യേകതയുള്ള ദിവസമാണിന്ന്. ജീവിതത്തില്‍ ഒരിക്കല്‍ മാത്രം സംഭവിക്കുന്നത്. സണ്ണി ലിയോണിനെ ഓര്‍ത്ത് അഭിമാനിക്കുന്നുവെന്ന് ഡാനിയെല്‍ വെബ്ബര്‍ പറഞ്ഞു.