ബിഗ് ബോസിലെ പ്രിയപ്പെട്ട മത്സരാര്‍ത്ഥിയെ കുറിച്ച് ആര്യ പറയുന്നത്...
മോഹന്‍ലാല്‍ അവതാരകനായി എത്തുന്ന മലയാളം ബിഗ് ബോസ് സെപ്റ്റംബര്‍ മുപ്പതിന് ഗ്രാന്‍ഡ് ഫിനാലെയിലേക്ക് എത്തുകയാണ്. ബിഗ് ബോസില്‍ അവശേഷിക്കുന്ന ഏഴ് മത്സരാര്‍ത്ഥികളില്‍ നാല് പേര്‍ ഈ ആഴ്ചത്തെ എലിമിനേഷനിലുണ്ട്. അതില്‍ ആരായിരിക്കും പുറത്ത് പോവുകയെന്നും ആരാണ് ബിഗ് ബോസ് വിജയ് ആവുന്നതെന്നും അറിയാനുള്ള കാത്തിരിപ്പിലാണ് ആരാധകര്‍.
ഇത്തവണത്തെ എലിമിനേഷനില്‍ സാബു, അര്‍ച്ചന, പേളി, ഷിയാസ് എന്നിവരാണുള്ളത്. ബിഗ് ബോസ് ഹൗസില്‍ ഏറ്റവുമധികം ഫാന്‍സുള്ള മത്സരാര്‍ത്ഥികളാണ് നോമിനികളായി വന്നിരിക്കുന്നത്. നടിയും അവതാരകയുമായ ആര്യ തനിക്ക് ബിഗ് ബോസില്‍ ഇഷ്ടമുള്ള മത്സരാര്‍ത്ഥിയാണെന്ന് തുറന്ന് പറഞ്ഞിരിക്കുകയാണ്.
ബിഗ് ബോസിലെ നിങ്ങളുടെ പ്രിയപ്പെട്ട മത്സരാര്‍ത്ഥി ആരാണ്? സാബുമോന്‍ ആണെന്നാണ് ആര്യയുടെ ഉത്തരം. ബിഗ് ബോസ് ഹിന്ദി സീസണ്‍ ഒന്ന് മുതല്‍ ഞാന്‍ പരിപാടിയുടെ കടുത്ത ആരാധികയാണ്. തുടക്കം മുതല്‍ ഇപ്പോഴും ഷോ മുടങ്ങാതെ കാണുകയും ചെയ്യാറുണ്ട്. ഗെയിമുകളുടെ അടിസ്ഥാനത്തില്‍ സാബുവാണ് മികച്ച മത്സരാര്‍ത്ഥിയെന്നാണ് ആര്യ പറയുന്നത്.
അദ്ദേഹത്തിന് നന്നായി ഗെയിം കളിക്കാന്‍ അറിയാമെന്നും ആര്യ പറയുന്നു. ബിഗ് ബോസ് മലയാളം സീസണ്‍ വണ്ണില്‍ സാബുമോന്‍ ജയിക്കണമെന്ന ആഗ്രഹവും ആര്യ പങ്കുവെച്ചിരിക്കുകയാണ്. സാബുവിനൊപ്പം തന്നെ അര്‍ച്ചന സുശീലനെയും തനിക്ക് ഇഷ്ടമാണ്. സാബു അല്ലെങ്കില്‍ അര്‍ച്ചന ജയിക്കണം.
https://www.facebook.com/Malayalivartha
