ഇന്നലെ രാവിലെ കൊച്ചി കാക്കനാട്ടെ ലൊക്കേഷനില്‍ ആയിരുന്നു സംഭവം. ലൊക്കേഷനില്‍ വെച്ചാണ് അപകടം. ഹരിശ്രീ അശോകന്‍ സഞ്ചരിച്ച ഓട്ടോ മറിയുകയായിരുന്നു. ഹരിശ്രീ അശോകന്‍ സംവിധാനം ചെയ്യുന്ന ഒരു ഇന്റര്‍നാഷണല്‍ ലോക്കല്‍ സ്റ്റോറി എന്ന ചിത്രത്തിന്റെ ഷൂട്ടിങ് നടക്കവെയാണ് അപകടം.

ഇവരെ കൂടാതെ അസോസിയേറ്റ് ഡയറക്ടര്‍ നിധിന്‍, അസിസ്റ്റന്റ് ക്യാമറമാന്‍ ശ്രീജിത് എന്നിവരും ഉണ്ടായിരുന്നു. താരങ്ങള്‍ ഓട്ടോറിക്ഷയില്‍ സഞ്ചരിക്കുന്ന സീന്‍ ആയിരുന്നു എടുക്കേണ്ടിയിരുന്നത്. ഹരിശ്രീ അശോകന്‍, ബിനു എന്നിവരായിരുന്നു ഓട്ടോയുടെ അകത്ത് ഉണ്ടായിരുന്നത്. അപകടത്തില്‍ ആരുടെയും പരുക്ക് ഗുരുതരമല്ല. ശ്രീജിത്തിന്റെ കാലിനാണ് പരുക്ക് പറ്റിയത്. മറ്റൊരാളുടെ മൂക്കിനും പരുക്കേറ്റു. പ്രാഥമിക ചികിത്സയ്ക്കു ശേഷം ഇന്നലെ ഉച്ചയോടെ ഇവര്‍ ആശുപത്രി വിട്ടു.