ഞാന് ചാവണമെങ്കില് എന്നെ കൊല്ലണം... കലാഭവന് മണിയുടെ മരണം കൊലപാതകം? മണിയുടെ ജീവിതം സിനിമയൊരുക്കി വെളിപ്പെടുത്തലുമായി വിനയന്
മണിയുടെ മരണശേഷം രണ്ടു വര്ഷം പിന്നിട്ടിട്ടും മരണത്തെ സംബന്ധിച്ച ദുരൂഹതകള് മാറിയിട്ടില്ല. ഇതിനിടയിലാണ് മരണം കൊലാപാതകമാകാമെന്ന സൂചനകള് നല്കി ട്രെയിലര് എത്തിയിരിക്കുന്നത്. മണിയുടെ അടുത്ത സുഹൃത്തും ജ്യേഷ്ഠ തുല്യനുമായ വിനയനാണ് മണിയുടെ ജീവിതം സിനിമയാക്കിയത്. 'ഞാന് ചാവണമെങ്കില് എന്നെ കൊല്ലണം' എന്ന് മണിയുടെ കഥാപാത്രം ട്രെയിലറില് പറയുന്നു. മണിയുടെ മരണം കൊലപാതകമാണെന്ന് കുടുംബവും വിശ്വസിക്കുന്നു. നടനും മിമിക്രി താരവുമായ രാജാമണിയാണ് കലാഭവന് മണിയായി എത്തുന്നത്.
ചിത്രം ഉടന് തീയറ്ററുകളിലെത്തും. കലാഭവന് മണിയുടെ അഭിനയ ജീവിതത്തിലെ ഏറ്റവും മികച്ച സിനിമകളില്പ്പെടുന്ന കരുമാടിക്കുട്ടന്, വാസന്തിയും ലക്ഷ്മിയും പിന്നെ ഞാനും എന്നിവ വിനയന് ചിത്രങ്ങളാണ്. അകാലത്തില് വിടപറഞ്ഞ മലയാളികളുടെ പ്രിയപ്പെട്ട നടന് കലാഭവന് മണിയുടെ ജീവിത കഥ പറയുന്ന 'ചാലക്കുടിക്കാരന് ചങ്ങാതി'യാണ് റിലീസിനൊരുങ്ങുന്നത്.
https://www.facebook.com/Malayalivartha
