പുതിയ ചിത്രം പരാജയമാണെന്ന് പറഞ്ഞ പൃഥ്വിരാജിനെതിരെ വിമര്ശനവുമായി നിര്മാതാവ്
തന്റെ പുതിയ ചിത്രം പരാജയമാണെന്ന് പരസ്യമായി പ്രഖ്യാപിച്ച നടന് പൃഥ്വിരാജിനെതിരെ വിമര്ശനവുമായി ചിത്രത്തിന്റെ നിര്മാതാക്കളില് ഒരാളായ ബിജു ലോസണ് രംഗത്ത്. തിയറ്ററുകളില് ഇപ്പോഴും ഓടിക്കൊണ്ടിരിക്കുന്ന സിനിമയെക്കുറിച്ച് ഇങ്ങനെ പറയാന് പാടില്ലായിരുന്നു. ഈ ചിത്രം പരീക്ഷണമായിരുന്നെങ്കില് അദ്ദേഹം സ്വന്തം പണം മുടക്കി അത് നിര്മിക്കണമായിരുന്നുവെന്നു ബിജു പറഞ്ഞു.
അല്ലാതെ നിര്മാതാവിന്റെ പണമായിരുന്നില്ല ഉപയോഗിക്കേണ്ടിയിരുന്നത്. സിനിമയ്ക്കു ശരാശരി പ്രതികരണമാണ്. പക്ഷേ തീയറ്ററുകളില് ഓടിക്കൊണ്ടിരിക്കുമ്പോള് അദ്ദേഹം ഒരു പൊതുവേദിയില് അങ്ങനെ പറയാന് പാടില്ല.' ബിജു പറഞ്ഞു. ബിജു ലോസണിന്റെ ലോസണ് എന്റര്ടെയ്ന്മെന്റും ആനന്ദ് പയ്യന്നൂരിന്റെ യെസ് സിനിമാ കമ്പനിയും ചേര്ന്നാണ് രണം നിര്മിച്ചത്.
നേരത്തെ പൃഥ്വിയുടെ പ്രസ്താവനയ്ക്കെതിരെ നടന് റഹ്മാനും രംഗത്തുവന്നിരുന്നു.
റഹ്മാന് ഫെയ്സ്ബുക്കില് നടത്തിയ പ്രതികരണത്തിന് താഴെ നടന്ന ചര്ച്ചയിലാണ് ബിജു ലോസണിന്റെ പ്രതികരണം. പൃഥ്വി പറഞ്ഞത് വസ്തുതയാണെന്നും ചിത്രം ഗംഭീരമാണെന്നതില് സംശയമില്ലെന്നും പക്ഷേ പ്രേക്ഷക പ്രതികരണം ശരാശരി ആയിരുന്നുവെന്നും ഒരു പ്രേക്ഷകന് ബിജു ലോസണെ ടാഗ് ചെയ്തുകൊണ്ട് അഭിപ്രായപ്പെടുകയുണ്ടായി. ഈ കമന്റിന് മറുപടി നല്കിയാണ് ബിജു തന്റെ നിലപാട് വ്യക്തമാക്കിയത
https://www.facebook.com/Malayalivartha
