പ്രിയദര്‍ശിനിയുടെ പുതിയ ചിത്രത്തില്‍ നായിക ആര്?
ജയലളിതയുടെ ജീവിതത്തെ ആസ്പദമാക്കി പ്രിയദര്‍ശിനി സംവിധാനം ചെയ്യുന്ന ചിത്രമാണ്'ദ അയണ്‍ ലേഡി '. ചിത്രത്തില്‍ ആരാകും ജയലളിതയെന്നാണ് ഇപ്പോഴത്തെ സംസാരം. ചിത്രത്തിന്റെ ടൈറ്റില്‍ പോസ്റ്റര്‍ കഴിഞ്ഞ ദിവസം സംവിധായകന്‍ എ.ആര്. മുരുഗദോസ് ട്വിറ്ററിലൂടെ പുറത്തുവിട്ടു.
ട്വീറ്റിനൊപ്പം മുരുഗദോസ് വരലക്ഷ്മിയെയും ടാഗ് ചെയ്തു. അതോടെ വരലക്ഷ്മി നായികയാകുമെന്ന റിപ്പോര്‍ട്ടുകള്‍ പുറത്തു വന്നു. തുടര്‍ന്ന് വരലക്ഷ്മി പ്രതികരണവുമായെത്തി. ചിത്രത്തെ കുറിച്ചുള്ള ചര്‍ച്ചകള്‍ നടക്കുകയാണെന്നും അവസാന തീരുമാനമായിട്ടില്ലെന്നും വരലക്ഷ്മി ട്വീറ്റ് ചെയ്തു. എന്നാല്‍ വരലക്ഷ്മിയല്ല നിത്യാമേനോനാണ് ജയലളിതയാകുന്നതെന്നാണ് പുതിയ റിപ്പോര്‍ട്ടുകള്‍.
സംവിധായകന്‍ മിഷ്‌കിന്റെ അസോസിയേറ്റായിരുന്ന പ്രിയദര്‍ശിനിയുടെ അരങ്ങേറ്റ ചിത്രമാണിത്. ജയലളിതയുടെ ജന്മദിനമായ ഫെബ്രുവരി 24ന് ദ അയണ്‍ ലേഡിയുടെ ജോലികള്‍ ആരംഭിക്കും.
അതേസമയം സംവിധായകരായ ഭാരതിരാജയും എ.എല്‍. വിജയ്യും ജയലളിതയുടെ ജീവിതം സിനിമയാക്കുമെന്ന് പ്രഖ്യാപിച്ചിട്ടുണ്ട്. അമ്മ പുരട്ചി തലൈവി എന്നാണ് ഭാരതിരാജ ചിത്രത്തിന്റെ പേര്.
https://www.facebook.com/Malayalivartha
