മയാനദിയുടെ സൂപ്പര്‍ ഹിറ്റ് വിജയത്തിനു ശേഷം ഐശ്വര്യ ലക്ഷ്മി ബോള്‍ഡന്‍ കഥാപാത്രമായി എത്തിയ മറ്റൊരു സിനിമയായിരുന്നു വരത്തൻ. ഫഹദിനോടോപ്പം ഒപ്പത്തിനൊപ്പം പിടിച്ചു നില്‍ക്കാന്‍ ഐശ്വര്യയുടെ പ്രിയയയ്ക്ക് സാധിച്ചു.

എന്നാലിപ്പോൾ തന്റെ പ്രണയസങ്കല്പത്തെയും ജീവിതത്തെയും കുറിച്ച് തുറന്നു പറയുകയാണ് താരം.പ്രണയിച്ച്‌ വിവാഹം കഴിക്കാനാണ് തനിയ്ക്ക് കൂടുതല്‍ ഇഷ്ടവും ആഗ്രഹവും. എന്നാല്‍ വീട്ടുകാര്‍ തന്നെ കെട്ടിച്ച്‌ വിടുമോ എന്ന തനിയ്ക്ക് അറിയില്ലെന്നും ഐശ്വര്യ ലക്ഷ്മി പറഞ്ഞു. ഒരു കള്ളച്ചിരിയോടു കൂടിയായിരുന്നു താരം പ്രണയ വിവാഹത്തിനെ കുറിച്ചു പറഞ്ഞത്.

ആണ്‍ പെണ്‍ ഭേദമില്ലാതെ എല്ലാവരും ആഗ്രഹിക്കുന്ന ഒന്നാണ് ജീവിതത്തില്‍ ഒരു സമയം എത്തുമ്ബോള്‍ സെറ്റില്‍ ആകുക എന്നത്. നല്ലൊരു പങ്കാളി കൂടെയുണ്ടാകണം. കുട്ടിയുണ്ടാകണം. എല്ലാവരേയും പോലെ ഞാനും ആഗ്രഹിക്കുന്നുണ്ട്.എന്നാല്‍ അത് ഒരുക്കലും കരിയര്‍ നഷ്ടപ്പെടുത്തിയിട്ടല്ല. കരിയറ്‍ അതിന്റെ വഴിക്കും കുടുംബ ജീവിതം അതിന്റെ വഴിക്കും മുന്നോട്ട് പോകും.