ലോകത്തെ ഏറ്റവും സുന്ദരിയായ മാലാഖക്ക് പിറന്നാള്... മകളുടെ പിറന്നാള് പങ്കു വച്ചു സണ്ണി
സണ്ണി ലിയോണ് മകള് നിഷയുടെ മൂന്നാം പിറന്നാള് ആരാധകരുമായി പങ്കു വച്ചു സന്തോഷം പ്രകടിപ്പിച്ചിരിക്കുകയാണ്. ഇന്സ്റ്റാഗ്രാമില് ഫോട്ടോക്ക് അടികുറിപ്പു ഇങ്ങനെ.'ലോകത്തെ ഏറ്റവും സുന്ദരിയായ മാലാഖക്ക്. എന്റെ പൊന്നു മോള്ക്ക് മൂന്നാം പിറന്നാള് ആശംസകള്.' പിന്നെയുള്ള വരികള് പ്രശസ്തമായ 'യു ആര് മൈ സണ്ഷൈന്' എന്ന ഗാനത്തില് നിന്നുമാണ്.
പൈന് റിഡ്ജ് ബോയ്സ് 1930 കളുടെ അവസാനത്തില് കുറിച്ച സ്നേഹത്തിന്റെ വരികള്. സണ്ണിയും ഭര്ത്താവ് ഡാനിയല് വെബറും 2017, ജൂലൈ 16നാണു നിഷയെ ദത്തെടുക്കുന്നത്. കെയ്റ എന്ന ദത്തെടുക്കല് കേന്ദ്രത്തിന്റെ വെബ്സൈറ്റില് അപേക്ഷിച്ചു ഒരു വര്ഷത്തെ കാത്തിരിപ്പിനു ശേഷമാണു നിഷയെ ഇവര്ക്കു ലഭിക്കുന്നത്.
കുഞ്ഞിന്റെ രൂപത്തെയും നിറത്തെയും കുറിച്ചു വന്ന പരിഹാസങ്ങള് ഇവര് ചെവി കൊണ്ടില്ല എന്നു മാത്രമല്ല, നിഷക്കൊപ്പമുള്ള നല്ല നിമിഷങ്ങള് എല്ലാം പങ്കു വച്ചു തങ്ങളുടെ സന്തോഷം ഏവരെയും അറിയിച്ചു സണ്ണി.
ഈ വര്ഷം മാര്ച്ചില് അഷര്, നോവ എന്ന ഇരട്ടകളായ ആണ് മക്കള് വാടക ഗര്ഭ പാത്രത്തിലൂടെ ഇവര്ക്കു പിറന്നിരിന്നു.
https://www.facebook.com/Malayalivartha
