സുസ്മിതയുടെ സിനിമയിലേക്കുള്ള ചുവടുവയ്പ്പ് ഇങ്ങനെ
ബോളിവുഡ് താരം സുസ്മിതാ സെന്നിന്റെ ജന്മദിനമാണ് നവംബര് 19ന്. 1975 നവംബര് 19ന് ഹൈദരാബാദില് ജനിച്ച സുസ്മിത 1994ല് മിസ് യൂണിവേര്സ് ആയി കിരീടമണിഞ്ഞിട്ടുണ്ട്. മിസ്സ് യൂണിവേര്സ് ആയിക്കഴിഞ്ഞതോടുകൂടി സിനിമയിലേക്ക് പല അവസരങ്ങളും സുസ്മിതയെ തേടി വന്നു. 1996ല് പുറത്തിറങ്ങിയ ദസ്റ്റക് ആയിരുന്നു സുസ്മിതയുടെ ആദ്യ ചിത്രം. ഈ സിനിമ ഒരു വിജയം ആയിരുന്നില്ല.
പക്ഷേ തുടര്ന്ന് പുറത്തിറങ്ങിയ തമിഴ് ചലച്ചിത്രം രക്ഷകന് ഒരു വലിയ ഹിറ്റ് ആയിരുന്നു. രണ്ട് വര്ഷങ്ങള്ക്ക് ശേഷം 1999ല് സുസ്മിത സെന് അഭിനയിച്ച ഡേവിഡ് ധവാന്റെ ബിവി നം 1 എന്ന സിനിമ മികച്ച സഹനടിക്കുള്ള ഫിലിംഫെയര് അവാര്ഡ് സുസ്മിതയ്ക്ക് നേടിക്കൊടുത്തു. ഇതേ വര്ഷം തന്നെ സിര്ഫ് തും എന്ന സിനിമയിലെ അഭിനയത്തിനു സുസ്മിതയ്ക്ക് ഇതേ അവാര്ഡിനു നാമനിര്ദ്ദേശവും ലഭിച്ചിരുന്നു. ആംഖേന് എന്ന സിനിമയാണ് സുസ്മിതയുടെ സാമ്ബത്തികനേട്ടമുണ്ടാക്കിയ മറ്റൊരു ചിത്രം.
2004ല് പുറത്തിറങ്ങിയ മേന് ഹൂം ന എന്ന ചിത്രമാണ് ഇതുവരെയുള്ള സുസ്മിതയുടെ ഏറ്റവും വലിയ ഹിറ്റ് ചിത്രം. ഈ സിനിമയില് സുസ്മിത ഷാരൂഖ് ഖാനിന്റെ കാമുകിയായാണ് അഭിനയിച്ചത്. അജയ് ദേവ്ഗണ് നായകനായ മേം ഐസ ഹീ ഹൂം എന്ന സിനിമയില് ഒരു വക്കീലായി സുസ്മിത പിന്നീട് വേഷമിട്ടു. 2005ല് മേനെ പ്യാര് ക്യൂ ഹിയ എന്ന സിനിമയിലെ നായികയും സുസ്മിതയായിരുന്നു.
സല്മാന് ഖാനും കത്രീന കൈഫും ആയിരുന്നു ഈ സിനിമയിലെ മറ്റ് പ്രമുഖ അഭിനേതാക്കള്. പിന്നീട് സുസ്മിത അഭിനയിച്ച സിനികള് കര്മ്മ, കണ്ഫെഷന്സ് ആന്റ് ഹോളി (2006ല് നയോമി ക്യാമ്ബെല്ലിനോടൊപ്പം), രാം ഗോപാല് വര്മ്മ കി ആഗ് (2007), ദുല്ഹ മില് ഗയ (2007 ഷാരൂഖ് ഖാനിനോടൊപ്പം).
2006ല് ബോളിവുഡ് സിനിമകള്ക്കുള്ള സംഭാവനകളെ മാനിച്ചുകൊണ്ട് രാജീവ് ഗാന്ധി പുരസ്കാരം ലഭിച്ചു.
https://www.facebook.com/Malayalivartha