ദിലീപിനെ അമ്മയിലേക്ക് തിരിച്ചെടുത്തതും ഇതിനെതിരെ നടിമാര്‍ രംഗത്ത് വന്നതും വലിയ പ്രശ്‌നങ്ങളായിരുന്നു ഉണ്ടാക്കിയത്. അമ്മയുടെ പ്രസിഡന്റായതോടെ മോഹന്‍ലാലിനെതിരെയും വിമര്‍ശനങ്ങളുണ്ടായിരുന്നു. ഇപ്പോള്‍ മീ ടൂ വിനെ കുറിച്ചുള്ള അദ്ദേഹത്തിന്റെ പരാമര്‍ശങ്ങള്‍ക്കും സോഷ്യല്‍ മീഡിയയില്‍ പരക്കെ വിമര്‍ശനങ്ങള്‍ തലപൊക്കിയിരിക്കുകയാണ്.

മീ ടൂ ക്യാമ്ബെയിനെ ഒരു മൂവ്‌മെന്റായി കാണേണ്ട ആവശ്യമില്ലെന്നായിരുന്നു അദ്ദേഹത്തിന്റെ വാദം. മീ ടൂ ഇപ്പോള്‍ ഒരു ഫാഷനായി മാറിയിരിക്കുകയാണെന്നും ഇത്തരം പുതിയ നീക്കങ്ങള്‍ എല്ലായിടത്തും ഉണ്ടാകുമെന്നും കുറച്ച്‌ കാലം അത് നിലനില്‍ക്കും പിന്നെ അതിന്റെ സമയം തീര്‍ന്ന് മങ്ങി തുടങ്ങും എന്ന് മോഹന്‍ലാല്‍ പറഞ്ഞിരുന്നു.

അത്രയ്ക്കുള്ള ആയൂസേ അതിന് ഉണ്ടായിരുന്നുള്ളുവെന്നും മോഹന്‍ലാല്‍ പറയുന്നു. പുരുഷന്മാര്‍ക്കും ഒരു മീ ടൂ ആകാമെന്ന് തമാശയോടെ ചിരിച്ച്‌ കൊണ്ട് മോഹന്‍ലാല്‍ പറഞ്ഞിരുന്നു. ഇപ്പോള്‍ ഇതിനെക്കുറിച്ചാണ് സോഷ്യല്‍ മീഡിയയില്‍ പരക്കെ വിമര്‍ശനങ്ങള്‍ തലപൊക്കിയിരിക്കുന്നത്. വളരെ നിരുത്തരവാദിത്തപരമായിട്ടാണ് മോഹന്‍ലാല്‍ ഇതിനെ കുറിച്ച്‌ സംസാരിച്ചതെന്നാണ് പലരും പറയുന്നത്. മീടൂവിനെതിരെ സംസാരിച്ച പലര്‍ക്കും ഇതുപോലെ വിമര്‍ശനങ്ങള്‍ നേരിടേണ്ടിവന്നിരുന്നു.

വളരെ നിരുത്തരവാദിത്തപരമായിട്ടാണ് മോഹന്‍ലാല്‍ ഇതിനെ കുറിച്ച്‌ സംസാരിച്ചതെന്നാണ് പലരും പറയുന്നത്. മുന്‍പ് മീ ടൂ വിനെതിരെ സംസാരിച്ച ബോളിവുഡ് താരങ്ങളായ ആമിര്‍ ഖാനും അമിതാഭ് ബച്ചനും വലിയ രീതിയിലുള്ള വിമര്‍ശനങ്ങള്‍ നേരിടേണ്ടി വന്നിരുന്നു. മലയാളത്തില്‍ നിന്നും നടന്മാരായ മുകേഷ്, അലന്‍സിയര്‍ ലോപ്പസ് എന്നിവര്‍ക്കെതിരെ മീ ടൂ ആരോപണം ഉയര്‍ന്നിരുന്നു. മലയാള സിനിമയ്ക്ക് മീ ടൂ കൊണ്ട് യാതൊരു കുഴപ്പവും സംഭവിച്ചിട്ടില്ലെന്നും സിനിമാ മേഖലയില്‍ മാത്രമല്ല മറ്റ് മേഖലകളിലും ഇത്തരം പ്രശ്‌നങ്ങളുണ്ടെന്നും പത്രസമ്മേളനത്തില്‍ മോഹന്‍ലാല്‍ പറഞ്ഞിരുന്നു.