ചുരുങ്ങിയ കാലം കൊണ്ട് തന്നെ താരം പ്രേക്ഷകരുടെ പ്രിയങ്കരിയായി മാറിയ താരമായിരുന്നു പ്രിയാരാമന്‍. മോഹന്‍ലാല്‍, മമ്മൂട്ടി, സുരേഷ് ഗോപി ഇവരുടെ നായികയായി തിളങ്ങിയ താരമാണ് പ്രിയാരാമന്‍. ഐവി ശശി സംവിധാനം ചെയ്ത അര്‍ഥന എന്ന ചിത്രത്തിലൂടെയാണ് ഈ താരം മലയാളത്തിലേക്കെത്തിയത്.

രജനീകാന്ത് ചിത്രമായ വല്ലിയിലൂടെ തുടക്കം കുറിച്ച സിനിമാജീവിതത്തില്‍ തമിഴിന് പുറമെ മലയാളത്തിലും തെലുങ്കിലും കന്നഡയിലുമൊക്കെ അഭിനയിക്കാനുള്ള അവസരവും താരത്തിന് ലഭിച്ചിരുന്നു. പ്രണയവും വിവാഹവും വിവാഹമോചനവുമൊക്കെയായി ഒരുകാലത്ത് വാര്‍ത്തകളില്‍ നിറഞ്ഞുനിന്നിരുന്നു ഈ താരം.

നീണ്ട നാളത്തെ ഇടവേളയ്ക്ക് ശേഷം ചാനല്‍ പരമ്പരകളിലൂടെ തിരിച്ചുവരവ് നടത്തിയിരിക്കുകയാണ് പ്രിയ. വിവാഹ ശേഷം സിനിമയില്‍ നിന്നും നായികമാരെ മാറ്റിനിര്‍ത്തുന്ന പതിവ് ഇപ്പോഴുമുണ്ടെന്ന് താരം പറയുന്നു. ഒരു ചാനലിന് നല്‍കിയ അഭിമുഖത്തിനിടയില്‍ സംസാരിക്കവെയാണ് താരം ഇക്കാര്യത്തെക്കുറിച്ച് സംസാരിച്ചത്.

മുന്‍പ് നായികയായി നിറഞ്ഞുനിന്നിരുന്നവര്‍ വിവാഹത്തിന് ശേഷം സിനിമയില്‍ തിരിച്ചുവരുന്നില്ല. നായികമാരുടെ കാര്യത്തില്‍ സംഭവിക്കുന്ന കാര്യത്തെക്കുറിച്ച് താരത്തോട് ചോദിച്ചിരുന്നു. സിനിമയ്ക്കകത്തുള്ള ആള്‍ക്കാര്‍ തന്നെ ഇക്കാര്യത്തെക്കുറിച്ച് ചോദിക്കേണ്ടതാണ്. കുടുംബത്തോടൊപ്പം കഴിയുന്നതിനിടയില്‍ ഗ്ലാമറസ് റോള്‍ ചെയ്യാന്‍ പലരും തയ്യാറാവാറില്ല. ഹോളിവുഡിലും ബോളിവുഡിലും വിവാഹം ഒരു വിഷയമല്ല. ജ്യോതികയും സിമ്രാനുമൊക്കെ ഇവിടെയില്ലേയെന്നും താരം ചോദിക്കുന്നു.

സിനിമയുടെ സമയവും പലപ്പോഴും തങ്ങള്‍ക്ക് അനുകൂലമായി വരണമെന്നില്ല. അങ്ങനെയാണ് താന്‍ ടെലിവിഷനിലേക്ക് ശ്രദ്ധ പതിപ്പിച്ചതെന്നും പ്രിയരാമന്‍ പറയുന്നു. മികച്ച കഥാപാത്രമാണ് തനിക്ക് ലഭിച്ചത്. ഭാര്യ, അമ്മ, സംരംഭക തുടങ്ങി എല്ലാ കാര്യത്തിലും മുന്നിട്ടിറങ്ങുന്ന കഥാപാത്രത്തെയാണ് താന്‍ എത്തുന്നതെന്നും താരം പറയുന്നു. ഹീറോ പരിവേഷമുള്ള കഥാപാത്രമാണ് അഖിലാണ്ഡേശ്വരിയുടേത്. പതിവില്‍ നിന്നും വ്യത്യസ്തമായ കഥാപാത്രം കൂടിയാണ്.

ടെലിവിഷന്‍ പരമ്ബരകളിലെ പ്രധാന കഥാപാത്രം എന്നും സ്ത്രീകളാവുന്നതിന് പിന്നിലെ കാരണത്തെക്കുറിച്ചായിരുന്നു മറ്റൊരു ചോദ്യം. സിനിമ പുരുഷ കേന്ദ്രീകൃതമല്ലേ, അത് പോലെ ടെലിവിഷന്‍ പരമ്ബരകള്‍ സ്ത്രീകളുടേതാണ്. ടാര്‍ഗറ്റ് ഓഡിയന്‍സും അവരാണ്. അവരില്‍ നിന്നൊരാള്‍ കഥാപാത്രമായി വരുമ്‌ബോള്‍ പെട്ടെന്ന് കണക്റ്റ് ചെയ്യാന്‍ പറ്റുന്നു. അതാണ് അങ്ങനെ ചെയ്യുന്നതെന്നും പ്രിയ പറയുന്നു.

ജീന്‍സ് എന്ന പരിപാടി അവതരിപ്പിക്കുന്നത് പ്രിയാരാമനാണ്. നേരത്തെ ഈ പരിപാടി അവതരിപ്പിച്ചിരുന്നത് റോജയായിരുന്നു. മൂന്നാമത്തെ പതിപ്പാണ് താന്‍ അവതരിപ്പിക്കുന്നത്.. ചാനല്‍ പ്രവര്‍ത്തകര്‍ ആവശ്യപ്പെട്ടപ്പോഴാണ് താന്‍ ആ ദൗത്യം ഏറ്റെടുത്തതെന്ന് താരം പറയുന്നു. അവരുടെ വിശ്വാസമാണ് തന്നെയും നയിക്കുന്നത്. അവതാരക എന്ന നിലയിലും തനിക്ക് പൂര്‍ണ്ണ സംതൃപ്തിയുണ്ടെന്നും പ്രിയ പറയുന്നു. അവതരണം മാത്രമല്ല പരിപാടിയുടെ ഉള്ളടക്കവും ഏറെ പ്രധാനപ്പെട്ടതാണ്.