സെയ്ഫ് അലി ഖാന്റെ മകള്‍ സാറയുടെ സിനിമാ പ്രവേശനത്തെക്കുറിച്ച് വാചാലയായി നടി കരീന കപൂര്‍. സെയ്ഫ് അലി ഖാന്റെ ആദ്യ വിവാഹത്തിലെ മകളാണ് സാറാ. സെയ്ഫിന്റെ മക്കളായ സാറയും ഇബ്രഹിമും തന്റെ സുഹൃത്തുക്കളാണെന്നും തനിക്ക് അവരുടെ അമ്മയാകാന്‍ സാധിക്കില്ലെന്നും കരീന വ്യക്തമാക്കി. അവര്‍ക്ക് അവരെ അതിശയകരമായ രീതിയില്‍ വളര്‍ത്തിയ അമ്മയുണ്ട്.

എങ്കിലും താന്‍ അവരെ വളരെയധികം സ്‌നേഹിക്കുന്നതായും അവര്‍ക്ക് തന്നെയോ തന്റെ ഉപദേശമോ ആവശ്യമുള്ള അവസരത്തില്‍ താനുണ്ടാവുമെന്നും അവര്‍ വ്യക്തമാക്കി. ബുദ്ധിയും സൗന്ദര്യവും ഒത്തു ചേര്‍ന്ന വ്യക്തിയാണ് സാറയെന്നും കരീന പറഞ്ഞു.

ഇന്ത്യന്‍ സിനിമ ഒന്നടങ്കം കാത്തിരിക്കുന്ന സിനിമാപ്രവേശനങ്ങളിലൊന്നാണ് സാറ അലി ഖാന്റേത്. സെയ്ഫ് അലി ഖാന് പിന്നാലെ മകളും സിനിമയില്‍ തുടക്കം കുറിക്കുകയാണ്.

പ്രഖ്യാപനം മുതലേ തന്നെ സിനിമ വാര്‍ത്താപ്രാധാന്യം നേടിയിരുന്നു. പ്രേക്ഷകര്‍ കാണാനാഗ്രഹിക്കുന്ന സിനിമകളില്‍ ഏറെ മുന്നിലാണ് ഈ ചിത്രത്തിന്റെ സ്ഥാനം. സിനിമയുടെ അവസാന ഘട്ട ജോലികള്‍ പുരോഗമിച്ച് വരികയാണ്.