ഇന്ത്യയിലെ ബ്രാന്‍ഡ് അംബാസിഡറായി ആലിയ ഭട്ട്
ഊബര്‍ ഈറ്റ്‌സിന്റെ ഇന്ത്യയിലെ ബ്രാന്‍ഡ് അംബാസിഡറായി ബോളിവുഡ് താരം ആലിയ ഭട്ടിനെ തിരഞ്ഞെടുത്തു. ഊബര്‍ ഈറ്റ്‌സ് ബ്രാന്‍ഡ് അംബാസിഡറെ നിയമിക്കുന്ന ആദ്യ രാജ്യമാണ് ഇന്ത്യ. ആലിയ ഇന്ത്യയിലെ ദശലക്ഷം ആളുകളുടെ പ്രചോദനമാണ്. ആലിയെ പോലുള്ള ഒരു വ്യക്തി കമ്ബനിയുടെ ബോര്‍ഡിലേക്ക് വരുന്നത് ഏറെ സന്തോഷുമുള്ള കാര്യമാണ്.
ആലിയയുടെ ചുറുചുറുക്കും തനത് ശൈലിയുമാണ് ഒരു നടി എന്ന നിലയില്‍ അവരെ പ്രശസ്തയാക്കിയത്. ഈ ഗുണങ്ങള്‍ ഊബര്‍ ഈറ്റ്‌സിന്റെയും അവിഭാജ്യ ഘടകമാണ്. ഇതുകൊണ്ടു തന്നെയാണ് ഇന്ത്യയിലെ ബ്രാന്‍ഡ് അംബാസിഡറായി ആലിയയെ കമ്ബനി തിരഞ്ഞെടുത്തതെന്ന് ഊബര്‍ ഈറ്റ്‌സ് ഇന്ത്യ ആന്‍ഡ് ദക്ഷിണ ഏഷ്യന്‍ തലവന്‍ ഭാവിക് റാത്തോഡ് പറഞ്ഞു. 
2017ലാണ് ഊബര്‍ ഈറ്റസ് ഇന്ത്യയില്‍ സേവനം ആരംഭിച്ചത്. ഇന്ന് ലോകത്ത് 350ല്‍ അധികം നഗരങ്ങളില്‍ ഒറ്റ ആപ്ലിക്കേഷനില്‍ ഊബര്‍ സേവനം നല്‍കുന്നുണ്ട്. ഇന്ത്യയില്‍ 37 നഗരങ്ങളില്‍ ഊബര്‍ ഈറ്റ്‌സിന്റെ സേവനം ലഭ്യമാണ്.
https://www.facebook.com/Malayalivartha
