ഷൂട്ടിങ്ങ് ലൊക്കേഷനില്‍ ആരാധകര്‍ക്ക് കൗതുകം പകര്‍ന്ന് രജനികാന്തും നയന്‍താരയും
രജനീകാന്തിന്റെ പ്രകടം കണ്ട് ആരാധകര്‍ക്ക് സന്തോഷം. രജനികാന്തും എ ആര്‍ മുരുഗദോസും ആദ്യമായി ഒന്നിക്കുന്ന ചിത്രമായ ദര്‍ബാറിലെ പുതിയ ചിത്രങ്ങള്‍ വൈറലാകുന്നു. നയന്‍താരയാണ് ചിത്രത്തില്‍ രജനിയുടെ നായികയായി എത്തുന്നത്. ഇതിനിടയില്‍ മുംബൈയിലെ ലൊക്കേഷനില്‍ നയന്‍താരയും രജനികാന്തും ക്രിക്കറ്റ് കളിക്കുന്ന ചിത്രങ്ങളാണ് ഓണ്‍ലൈനില്‍ വ്യാപകമായി പ്രചരിക്കുന്നത്.
വര്‍ഷങ്ങള്‍ക്ക് ശേഷം ഒരു പോലീസ് ഉദ്യോഗസ്ഥന്റെ വേഷത്തില്‍ രജനികാന്ത് എത്തുന്നുവെന്ന പ്രത്യേകതയും ചിത്രത്തിനുണ്ട്. പോലീസ് യൂണിഫോമിലുള്ള താരത്തിന്റെ ഫസ്റ്റ് ലുക്ക് പോസ്റ്റര്‍ കഴിഞ്ഞയിടക്ക് അണിയറ പ്രവര്‍ത്തകര്‍ പുറത്തുവിട്ടിരുന്നു.
ഇത് നാലാം തവണയാണ് രജനീകാന്തും നയന്‍താരയും ഒന്നിക്കുന്നത്. 2020ലെ പൊങ്കല്‍ റിലീസായാകും ചിത്രം തീയേറ്ററില്‍ എത്തുക. സര്‍ക്കാര്‍ എന്ന വിജയ് ചിത്രത്തിന് ശേഷം മുരുഗദോസ് സംവിധാനം ചെയ്യുന്ന ചിത്രത്തിനായുള്ള കാത്തിരിപ്പിലാണ് ആരാധകര്‍.
https://www.facebook.com/Malayalivartha
