നായികാനായകൻ എയാലിറ്റി ഷോയിലൂടെ പ്രേക്ഷകരുടെ ഇഷ്ടം നേടിയ താരമാണ് വിൻസി അലോഷ്യസ്. പതിവിൽ നിന്നും വിപരീതമായി ചിക്കൻപോക്സ് ബാധിച്ചപ്പോഴുള്ള ചിത്രം പങ്കുവച്ച് ഞെട്ടിച്ചിരിക്കുകയാണ് വിൻസി അലോഷ്യസ്. വിൻസിക്ക് ഇതെന്തു പറ്റി എന്നാണ് ആരാധകരുടെ അമ്പരപ്പ്. അതൊരു വെറും ചിത്രമല്ലെന്നും തന്റെ ജീവിതത്തിൽ വഴിത്തിരിവായ ചിത്രമാണെന്നും വിൻസി തുറന്നു പറയുന്നു.

വിൻസിയുടെ വാക്കുകൾ ഇങ്ങനെ– "കഴിഞ്ഞ വർഷം ഫെബ്രുവരി 21നാണ് എനിക്ക് ചിക്കൻപോക്സ് സ്ഥിരീകരിച്ചത്. അതെ, ഇതായിരുന്നു എന്റെ അവസ്ഥ. ചില ദുരിതങ്ങൾ നമ്മുടെ ജീവിതത്തിൽ സന്തോഷം കൊണ്ടുവരും. ഞാനെന്തായിരുന്നു എന്നതിൽ ഞാൻ സന്തുഷ്ടയാണ്; ഇപ്പോൾ എന്താണ് എന്നതിലും ഞാൻ സന്തോഷിക്കുന്നു. ഇനിയും ഒരുപാടു മുന്നോട്ടു പോകാനുണ്ട്."

ആർക്കിടെക്ചർ വിദ്യാർത്ഥിനി ആയിരുന്ന വിൻസിക്ക് ചിക്കൻപോക്സ് പിടി പെട്ടത് പഠനത്തിന്റെ ഭാഗമായുള്ള ഇന്ത്യൻ പര്യടനത്തിനിടയിലാരുന്നു. പഠനയാത്ര പാതിയിൽ അവസാനിപ്പിച്ച് തിരികെ വീട്ടിലെത്തി ചികിത്സയും വിശ്രമവുമായി വീട്ടിലിരിക്കുമ്പോഴാണ് നായിക നായകൻ റിയാലിറ്റി ഷോയിലേക്കുള്ള പരസ്യം പ്രത്യക്ഷപ്പെടുന്നത്. ആർകിടെക്ചർ പഠനത്തിൽ നിന്ന് അഭിനയത്തിലേക്ക് വിൻസിയെ കൊണ്ടെത്തിച്ചത് പഠനയാത്രയ്ക്കിടെ വന്നുപെട്ട ചിക്കൻപോക്സ് ആയിരുന്നു. ഈ ഓർമകൾ പങ്കുവച്ചുകൊണ്ടാണ് വിൻസി ഇൻസ്റ്റഗ്രാമിൽ തന്റെ പഴയ ചിത്രം ഷെയർ ചെയ്തത്.