ജീവിച്ചിരിക്കെ സ്വന്തം മരണവാര്‍ത്ത പ്രചരിക്കുന്നത് വേദനയോടെ കാണേണ്ടി വന്ന ഹതഭാഗ്യനാണ് നടന്‍ സലിം കുമാര്‍. സലിം കുമാര്‍ മരിച്ചെന്ന വ്യാജ വാര്‍ത്ത സോഷ്യല്‍ നെറ്റ്‌വര്‍ക്കുകളില്‍ ഇന്നലെ രാത്രിയാണു വ്യാപകമായി പ്രചരിച്ചത്.
വാര്‍ത്ത പുറത്തുവന്നതോടെ ആരാധകര്‍ പത്രമാധ്യമ ഓഫീസുകളിലേക്കു വിളിച്ചു. സത്യാവസ്ഥ അറിയാതെ ചിലര്‍ സോഷ്യല്‍ നെറ്റ്‌വര്‍ക്കുകളിലെ വാര്‍ത്ത ഷെയര്‍ ചെയ്തു. അതിനിടയില്‍ അനുശോചനം അറിയിച്ചുകൊണ്ടുള്ള മെസേജുകളും വാട്‌സ് ആപ്പ് വഴി പ്രചരിച്ചു.
ഇതോടെ സലിംകുമാറിന്റെ സുഹൃത്തുക്കള്‍ക്കും ബന്ധുക്കള്‍ക്കും ആധിയായി. സലിംകുമാറിന് പെട്ടെന്നെന്തുപറ്റി എന്നറിയാതെ അവര്‍ പരക്കംപാഞ്ഞു. അവര്‍ സലിംകുമാറിന്റെ കുടുംബവുമായ് ബന്ധപ്പെട്ടു. അപ്പോഴാണറിയുന്നത് വാര്‍ത്ത വ്യാജമാണെന്ന്. തുടര്‍ന്ന് ജീവിച്ചിരിക്കുന്ന എന്നെ കൊല്ലല്ലേ എന്ന് സ്വതസിദ്ധമായ ശൈലിയില്‍ പറഞ്ഞ് സലിംകുമാര്‍ പൊട്ടിച്ചിരിച്ചു.

സലിംകുമാര്‍ രോഗബാധിതനാണെന്ന വാര്‍ത്ത നേരത്തെ തന്നെ പ്രചരിച്ചിരുന്നു. ഇതിന്റെ ചുവട് പിടിച്ചാണ് ആരോ സോഷ്യല്‍ മീഡിയയില്‍ ഇത് പോസ്റ്റ് ചെയ്തത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha