പ്രിയദര്ശന് സംവിധാനം നിര്ത്തുന്നു..?
മോളിവുഡിന്റെയും ബോളിവുഡിന്റെയും സൂപ്പര് സംവിധായകന് പ്രിയദര്ശന് സംവിധാനം നിര്ത്തുന്നു എന്ന് സൂചനകള്. പരസ്യചിത്രങ്ങള് ചെയ്യാനായിരിക്കും ഇനി സമയം വിനിയോഗിക്കുക എന്ന് അദ്ദേഹം പറഞ്ഞതായി അടുത്ത വൃത്തങ്ങള് സൂചിപ്പിക്കുന്നു. മലയാളത്തിലും ഹിന്ദിയിലും ഒരുപോലെ സൂപ്പര്ഹിറ്റ് സിനിമകള് സംവിധാനം ചെയ്ത് പ്രേക്ഷകരുടെ മനം കവര്ന്ന സംവിധായകനാണ് പ്രിയദര്ശന്. നര്മ്മ മുഹൂര്ത്തങ്ങളിലൂടെ മലയാളി പ്രേക്ഷകരെ പൊട്ടിച്ചിരിപ്പിച്ച പ്രിയന് സംവിധാനം നിര്ത്താന് പോകുന്നു എന്ന വാര്ത്ത സിനിമാപ്രേക്ഷകര്ക്ക് ഒരു നഷ്ടം തന്നെയാണ്.
1980-കളിലാണ് പ്രിയദര്ശന് സിനിമാസംവിധാന രംഗത്തേക്ക് കടന്ന് വന്നത്. മഴപെയ്യുന്നു മദ്ദളം കൊട്ടുന്നു,താളവട്ടം,വന്ദനം,കിലുക്കം അങ്ങനെ ഹിറ്റുകളുടെ പെരുമഴ തന്നെ ഈ സംവിധായകന് സൃഷ്ട്ടിച്ചു.
മലയാളത്തിലെ ഹിറ്റ് സിനിമകള് ഹിന്ദിയിലേക്ക് റീമേയ്ക്ക് ചെയ്ത് ബോളിവുഡിലും വമ്പന് ഹിറ്റുകള് പ്രിയദര്ശന് ഒരുക്കി.2007-ല് കാഞ്ചീവരം എന്ന സിനിമ സംവിധാനം ചെയ്തതിലൂടെ ദേശീയ പുരസ്കാരം സ്വന്തമാക്കി. 2012-ല് പദ്മശ്രീയും ലഭിച്ചു. നടി ലിസ്സിയാണ് പ്രിയദര്ശന്റെ പത്നി. എന്നാല് 2016-ല് ഇവര് ഭാര്യാ-ഭര്തൃ ബന്ധം അവസാനിപ്പിച്ചു. കല്യാണി, സിദ്ധാര്ത്ഥ് എന്നിവരാണ് മക്കള്.
https://www.facebook.com/Malayalivartha