അഭിപ്രായ വ്യത്യാസങ്ങള് ഉണ്ടെന്ന തരത്തില് പ്രചരിച്ച വാര്ത്തയുടെ സത്യം
പ്രേമം എന്ന സിനിമയുടെ വിജയത്തോടൊപ്പം തന്നെ സായ് പല്ലവിയും മലയാളി പ്രേക്ഷകരുടെ മനസ്സില് ഇടം നേടി. ഫഹദ് ഫാസിലിനോടൊപ്പം അഭിനയിച്ച അതിരന് എന്ന ചിത്രത്തിന്റെ വിജയത്തിന് ശേഷം സായ് അഭിനയിക്കുന്ന തമിഴ് ചിത്രമാണ് എന്.ജി.കെ.
സെല്വരാഘവന് സംവിധാനം ചെയ്യുന്ന ചിത്രത്തില് സൂര്യയാണ് നായകന്. ചിത്രം റിലീസിന് തയ്യാറെടുക്കുകയാണ്. സായ് പല്ലവിയെ കൂടാതെ രാകുല് പ്രീത് സിംഗും ചിത്രത്തില് നായികയായി എത്തുന്നു. സിനിമയുടെ ചിത്രീകരണത്തിനിടെ സായ് പല്ലവിയും രാകുല് പ്രീത് സിംഗും തമ്മില് കുറച്ച് അഭിപ്രായ വ്യത്യാസങ്ങള് ഉണ്ടെന്ന തരത്തില് പ്രചരിച്ച വാര്ത്ത ശ്രദ്ധേയമായിരുന്നു. ഈ വാര്ത്തയെ കുറിച്ച് അപ്പോള് ഇരുവരും പ്രതികരിച്ചിരുന്നില്ല. എന്നാല് ഇപ്പോള് ഇതേകുറിച്ച് ഒരു തമിഴ് മാധ്യമത്തിന് നല്കിയ അഭിമുഖത്തില് പ്രതികരണവുമായി എത്തിയിരിക്കുകയാണ് രാകുല്.
ഞങ്ങള് തമ്മില് യാതൊരു പ്രശ്നങ്ങളുമില്ല. അതെല്ലാം വ്യാജ വാര്ത്തകളാണ്. മാത്രവുമല്ല ചിത്രത്തില് ഞങ്ങള് രണ്ടുപേര്ക്കും ശക്തമായ കഥാപാത്രങ്ങളെ അവതരിപ്പിക്കാന് അവസരം ലഭിച്ചു. അതില് എനിക്ക് സന്തോഷമുണ്ട് രാകുല് പറഞ്ഞു. എട്ട് വര്ഷത്തിന് ശേഷം സെല്വരാഘവന് സംവിധാനം ചെയ്ത് പുറത്തിറങ്ങുന്ന ചിത്രമാണ് എന്.ജി.കെ. മെയ് 31 നാണ് പൊളിറ്റിക്കല് ആക്ഷന് ത്രില്ലറായ എന്.ജി.കെ റിലീസ് ചെയ്യുന്നത്.
https://www.facebook.com/Malayalivartha
