മുദ്ദുഗൗ എന്ന ചിത്രത്തിലൂടെ മലയാള സിനിമക്ക് കിട്ടിയ താരപുത്രിയായിരുന്നു നടൻ വിജയകുമാറിന്റെ മകൾ അര്‍ത്ഥന ബിനു. ഇപ്പോഴിതാ അർദ്ധ രാത്രിയിൽ അശ്ലീല സന്ദേശമയച്ചയാൾക്ക് പണി കൊടുത്തിരിക്കുകയാണ് താരം ഇപ്പോൾ. സന്ദേശം അയച്ചയാളുടെ പേര് അടക്കമുള്ള സ്ക്രീൻഷോട്ട് ഇൻസ്റ്റഗ്രാം സ്റ്റോറിയായാണ് നടി പങ്കുവച്ചിരിക്കുന്നത്.

'ഞാന്‍ പോണോ വേണ്ടയോ എന്നൊക്കെ ഞാന്‍ തീരുമാനിച്ചോളാം. പിന്നെ ഞാന്‍ എന്താണെന്നും എനിക്കറിയാം. ആരുടെയെങ്കിലും ശ്രദ്ധയാണ് ആവശ്യമെങ്കില്‍ ഇതാ സ്റ്റോറി ഇട്ടിട്ടുണ്ട്’ എന്ന കുറിപ്പോടെയാണ് പോസ്റ്റ്. മലയാളത്തില്‍ നിന്ന് തമിഴിലേക്കും പിന്നീട് തെലുങ്കിലും എത്തിയ അര്‍ത്ഥന സോഷ്യല്‍ മീഡിയയിലും സജീവമാണ്. മലയാളത്തിലെ നടന്‍ വിജയകുമാറിന്റെ മകളാണ് അര്‍ത്ഥന. അതേസമയം അമ്മ ബിനുവുമായി വിവാഹബന്ധം വിജയകുമാര്‍ ഉപേക്ഷിച്ചിരുന്നു.