പാതിരാത്രി കണ്ണൂരിലേക്ക് പോകുന്നതിന് ട്രെയിന്‍കാത്ത് എറണാകുളം സൗത്ത് റെയില്‍വേ സ്റ്റേഷനില്‍ നിൽക്കുന്നസമയം... നടന്‍ കുഞ്ചാക്കോ ബോബന് നേരെ കഠാര വീശി അയാൾ അടുത്തേക്ക് വന്നു... കൂടെ അസഭ്യവര്‍ഷവും; കൊച്ചിയില്‍ വച്ച്‌ കുഞ്ചാക്കോ ബോബന് നേരെ വധശ്രമത്തില്‍ പ്രതിക്ക് ഒരു വര്‍ഷം തടവ്
എറണാകുളം സൗത്ത് റെയില്‍വേ സ്റ്റേഷനില്‍ പാതിരാത്രി നടന്‍ കുഞ്ചാക്കോ ബോബന് നേരെ കഠാര വീശി അടുത്ത് വരികയായിരുന്നു. കണ്ണൂരിലേക്ക് പോകുന്നതിന് ട്രെയിന്‍കാത്ത് നില്‍ക്കുകയായിരുന്നു താരം. ഇതിനിടെയായിരുന്നു അസഭ്യവര്‍ഷവുമായി കൊലപ്പെടുത്താന്‍ ഓടിയെത്തിയത്. ശബ്ദം കേട്ട് മറ്റു യാത്രക്കാര്‍ ഓടിയെത്തിയപ്പോള്‍ ഇയാള്‍ രക്ഷപെടുകയും ചെയ്തു. തുടര്‍ന്ന് കണ്ണൂരിലെത്തിയപ്പോള്‍ കുഞ്ചാക്കോ ബോബന് പാലക്കാട് റെയില്‍വേ പോലീസ് ഡിവിഷനില്‍ പരാതി നല്‍കുകയും ചെയ്തു. പിറ്റേന്ന് തന്നെ ഇയാളെ പിടികൂടുകയും ചെയ്തു.
താരം അടക്കമുള്ള എട്ട് സാക്ഷികളെ വിസ്തരിക്കുകയും. സുരക്ഷാ ക്യാമറാ ദൃശ്യങ്ങള്‍ പരിശോധിക്കുകയും ചെയ്തതിന്റെ അടിസ്ഥാനത്തിലാണ് ശിക്ഷ നല്‍കിയത്. 2018 ഒക്ടോബര്‍ അഞ്ചിനാണ് കേസിനാസ്പദമായ സംഭവം. വധഭീഷണിക്ക് ഒരു വര്‍ഷവും ആയുധ നിരോധന നിയമപ്രകാരം ഒരു വര്‍ഷവും ശിക്ഷ ലഭിച്ചെങ്കിലും രണ്ടും ഒരുമിച്ച്‌ അനുഭവിച്ചാല്‍ മതിയെന്നുമായിരുന്നു കോടതി വിധി. തോപ്പുംപടി മൂലങ്കുഴി അത്തിക്കുഴി സ്റ്റാന്‍ലി ജോസഫ് എന്ന 75കാരനാണ് വിചാരണക്കോടതി ശിക്ഷ വിധിച്ചത്.
https://www.facebook.com/Malayalivartha
