വാഹനാപകടത്തിൽ അന്തരിച്ച പ്രശസ്ത സംഗീതജ്ഞന്‍ ബാലഭാസ്‌കറിന്റെ ബാലഭാസ്കറിന്റെ മരണവുമായി ബന്ധപ്പെട്ട പുതിയ വെളിപ്പെടുത്തലില്‍ തനിക്ക് ഭീഷണി നിലനില്‍ക്കുന്നുണ്ടെന്ന് കലാഭവന്‍ സോബി. ബാലഭാസ്കറിന്റേത് അപകട മരണമല്ലന്ന വിശ്വാസത്തിലാണ് സോബി. സംഭവുമായി ബന്ധപ്പെട്ട് എവിടെ വേണമെങ്കിലും മൊഴി നല്‍കാന്‍ താന്‍ തയ്യാറാണെന്നും ഭീഷണിയുള്ളതിനാല്‍ കൂടുതല്‍ കാര്യങ്ങള്‍ ഇപ്പോള്‍ വെളിപ്പെടുത്താനാകില്ലെന്നും അദ്ദേഹം വ്യകതമാക്കി.

അപകടം നടന്നയുടന്‍ രണ്ട് പേരെ സംശയകരമായ രീതിയില്‍ കണ്ടിരുന്നുവെന്ന് സോബി ഇന്നലെ വെളിപ്പെടുത്തിയിരുന്നു. അപകടം നടന്നതിന് പിന്നാലെ ഒരാള്‍ ഓടിപ്പോകുന്നതും മറ്റൊരാള്‍ ബൈക്ക് തള്ളിപ്പോകുന്നതും കണ്ടു. ഇരുവരുടെയും അസ്വാഭാവിക പെരുമാറ്റങ്ങളും നീക്കങ്ങളും സംശയമുണ്ടാക്കിയെന്നാണ് സോബി പറയുന്നത്.