പോണ് അഭിനയം അവസാനിപ്പിച്ചതിന്റെ കാരണം വെളിപ്പെടുത്തി മിയ ഖലീഫ
തന്റെ കരിയര് അവസാനിപ്പിക്കുന്നതായും താന് ഇനി പോണ് സിനിമകളില് അഭിനയിക്കില്ലെന്നും മിയ ഖലീഫ പ്രഖ്യാപിച്ചിരുന്നു. എന്നാല് ഒരു സുപ്രഭാതത്തില് പോണ് കരിയര് അവസാനിപ്പിച്ചുവെങ്കിലും അതിന് പിന്നിലുള്ള കാരണം മിയ തുറന്നു പറഞ്ഞിരുന്നില്ല. ഇപ്പോള് ആരാധകരുടെ ചോദ്യങ്ങള്ക്ക് മറുപടിയുമായി വന്നിരിക്കുകയാണ് മിയ. കഴിഞ്ഞ വര്ഷം തനിക്ക് ഐ.എസ്.ഐ.എസില് നിന്നും നിരന്തരം ഭീഷണികള് വന്നിരുന്നുവെന്നും വധഭീഷണികള് അസഹ്യമായപ്പോഴാണ് താന് പോണ് കരിയര് അവസാനിപ്പിച്ചതെന്നുമായിരുന്നു സൈക്ലിങ് ഇതിഹാസം ലാന്സ് ആംസ്ട്രോങ്ങിന് നല്കിയ അഭിമുഖത്തില് മിയ പറഞ്ഞു.
2015ല് ഐ.എസ് ഭീകരര് മിയയെ വധിക്കുമെന്ന് ഭീഷണിപ്പെടുത്തിയിരുന്നു.ആദ്യം ഈ ഭീഷണികള് കാര്യമായി എടുത്തില്ല, പക്ഷേ പിന്നെയും ഇതു തുടര്ന്നു നിയന്ത്രണം വിട്ടപ്പോഴാണ് താന് കരിയര് അവസാനിപ്പിച്ചതെന്ന് മിയ പറഞ്ഞു. തന്റെ ചിത്രങ്ങളേക്കാള് മുസ്ലീങ്ങളെ മോശമായി ചിത്രീകരിക്കുന്ന ഹോളിവുഡ് ചിത്രങ്ങള് ഇപ്പോള് ഇറങ്ങുന്നുണ്ടെന്നും മിയ അഭിപ്രായപ്പെട്ടു.ചുരുങ്ങിയ സമയം കൊണ്ട് അഡല്റ്റ് വെബ്സൈറ്റ് ആയ പോണ്ഹബിലെ വിലയേറിയ താരമായി മാറിയ താരമാണ് മിയ ഖലീഫ.
ഒരു വീഡിയോയില് ഹിജാബ് ധരിച്ച് പ്രത്യക്ഷപ്പെട്ടതാണ് മിയയ്ക്ക് എതിരെ കടുത്ത എതിര്പ്പുകള് ഉയരാന് കാരണമായത്. പൂര്വേഷ്യന് രാജ്യങ്ങളില് നിന്നാണ് കുടുതല് എതിര്പ്പ് വന്നിരുന്നത്. തങ്ങള്ക്ക് മിയ ഒരു അപമാനമാണെന്നും തങ്ങളുടെ രാജ്യത്തിന് ചീത്ത പേര് ഉണ്ടാക്കാനാണ് താരം ശ്രമിക്കുന്നതെന്നുമായിരുന്നു ഇവരുടെ നിലപാട്.
https://www.facebook.com/Malayalivartha
