ഇത്ര ക്യൂട്ടായിരുന്നോ ഓറിയോ ബേബിയുടെ മമ്മി? മിണ്ടിയും പറഞ്ഞും പട്ടിക്കുട്ടിയെ ഭക്ഷണം കഴിപ്പിച്ച് നസ്രിയ...
കുഞ്ഞിനെ പോലെ നസ്രിയ പരിപാലിക്കുന്ന വളർത്തുനായയാണ് ഓറിയോ. ഓറിയോയുടെ വിശേഷങ്ങൾ സമൂഹമാധ്യമങ്ങളിലൂടെ ആരാധകരുമായി പങ്കുവയ്ക്കാനും നസ്രിയ മറക്കാറില്ല. ഇപ്പോൾ ഓറിയോയോട് മിണ്ടിയും പറഞ്ഞും ഭക്ഷണം കഴിപ്പിക്കുന്ന ഒരു വീഡിയോയാണ് നസ്രിയ സമൂഹമാധ്യമങ്ങളിൽ പങ്കുവച്ചിരിക്കുന്നത്. മമ്മിയും ഓറിയോ ബേബിയും എന്നാണ് വീഡിയോയെ നസ്രിയ വിശേഷിപ്പിക്കുന്നത്. ഫഹദ് തന്ന ഗിഫ്റ്റ് എന്നാണ് നസ്രിയ ഓറിയോയെ പറയുന്നത്. 'ഓറിയോ അവന് എന്റെ ആത്മാര്ഥ സുഹൃത്താണ്. ശരിക്കും എനിക്ക് ഫഹദ് തന്ന ഗിഫ്റ്റായിരുന്നു ഓറിയോ. കല്യാണം കഴിഞ്ഞ് ഒരു വര്ഷം കഴിയുന്നതു വരെ എനിക്ക് നായക്കുട്ടികളെ ഭയങ്കരപേടിയായിരുന്നു.
ബാംഗ്ലൂര് ഡെയ്സ് ചെയ്തു കൊണ്ടിരുന്ന സമയത്തൊക്കെ എല്ലാവരും എന്നെ കളിയാക്കുമായിരുന്നു. ഫഹദിനും സഹോദരനും എല്ലാവര്ക്കും പട്ടികളെ ഭയങ്കര ഇഷ്ടമാണ്. ഫഹദ് കാരണമാണ് ഞാന് നായ പ്രേമിയായത്.' എന്നാണ് നസ്രിയ പറയുന്നത്. ഓറിയോ വന്നതിനു ശേഷം നായക്കുട്ടികളോടുള്ള തന്റെ പേടിമാറിയെന്നും ഓറിയോ എന്ന പേര് ഇട്ടത് ഫഹദിന്റെ സഹോദരി അമ്മുവാണെന്നും നസ്രിയ പറയുന്നു. സിനിമാക്കാർക്കെല്ലാം പരിചിതയാണ് നസ്രിയയുടെയും ഫഹദിന്റെയും പ്രിയപ്പെട്ട ഓറിയോ.
സിനിമാസെറ്റുകളിലും ഓറിയോ പലപ്പോഴും നസ്രിയയ്ക്ക് അകമ്പടിയാവാറുണ്ട്. ‘കൂടെ’യുടെ ഷൂട്ടിംഗിനായി ഊട്ടിയിലെത്തിയപ്പോൾ ഓറിയോയോയും നസ്രിയ കൂടെ കൂട്ടിയിരുന്നു. വെള്ളയും കറുപ്പും ഇടകലർന്ന് ഓറിയോ ബിസ്കറ്റിനെ ഓർമ്മപ്പെടുത്തുന്ന നിറമാണ് ഈ കുഞ്ഞൻ നായയുടെ പ്രത്യേകത. എനിക്ക് നായ്ക്കുട്ടികളെ പേടിയായിരുന്നു. പക്ഷേ, ഫഹദിന് ഒരുപാടിഷ്ടം. നമുക്കൊരു പപ്പിയെ വാങ്ങിയോലോ എന്നു കുറേ പറഞ്ഞപ്പോൾ ഞാൻ സമ്മതിച്ചു. വെളുപ്പും കറുപ്പും നിറം കണ്ടപ്പോൾ ബിസ്കറ്റാണ് ഓർമ്മ വന്നത്. അതോടെ പേരും ഇട്ടു... ഒറിയോ. നസ്രിയ പറയുന്നു.
പ്രേക്ഷകരുടെ പ്രിയപ്പെട്ട താരജോഡികളാണ് നടൻ ഫഹദ് ഫാസിലും നസ്രിയയും. വളരെ ചുരുങ്ങിയ സമയം കൊണ്ട് മോളിവുഡിലും കോളിവുഡിലും തന്റേതായ സ്ഥാനം നേടിയെടുക്കാൻ നസ്രിയയ്ക്ക് കഴിഞ്ഞിരുന്നു. മലയാളികളുടെ മാത്രമല്ല കോളിവുഡിനും പ്രിയപ്പെട്ടവാളായിരുന്നു നസ്രിയ. സിനിമയിൽ കത്തി നിന്നപ്പോഴായിരകുന്നു ഫഹദുമായുള്ള നസ്രിയയുടെ വിവാഹം. സിനിമയിൽ എത്തിയതിനു ശേഷം പ്രണയിച്ച് വിവാഹം കഴിച്ചവരാണ് അധികം താരങ്ങളും. എന്നാൽ ഇതുവരെ കണ്ട് വന്നതിൽ നിന്നും വ്യത്യസ്തമായിരുന്നു ഫഹദിന്റേയും നസ്റിയയുടേയും പ്രണയം. ഒരുമിച്ച് അഭിനയിക്കുകയും വിവാഹത്തിനു ശേഷം പ്രണയിക്കുകയായിരുന്നു ഇവർ. അഞ്ജലി മേനോൻ സംവിധാനം ചെയ്ത ബാംഗ്ലൂർ ഡേയ്സ് എന്ന ചിത്രത്തിന്റെ ഷൂട്ടിങ്ങിനിടെയാണ് ഇവരുടെ വിവാഹം ഉറപ്പിക്കുന്നത്.
വിവാഹത്തിനു ശേഷം നസ്രിയ ക്യാമറയ്ക്ക് മുന്നിൽ എത്തിയത് അഞ്ജലി മേനോൻ സംവിധാനം ചെയ്ത കൂടെയിലായിരുന്നു. പൃഥ്വിരാജിന്റെ സഹോദരിയായിട്ടായിരുന്നു നസ്രിയയുടെ രണ്ടാം വരവ്. എന്നാൽ മടങ്ങി വരവിലും നടി സിനിമയിൽ സജീവമല്ല. ഒരു ഇടവേളയ്ക്ക് ശേഷം സിനിമയിൽ മടങ്ങി എത്തിയപ്പോഴും മികച്ച പ്രേക്ഷക സ്വീകാര്യതയായിരുന്നു നസ്രിയയ്ക്ക് ലഭിച്ചത്.
https://www.facebook.com/Malayalivartha