വിവാഹ വാര്ഷികത്തില് സ്നേഹ ചുംബനം പകര്ത്തി മകള് പാര്വതി
മലയാളത്തിന്റെ പ്രിയപ്പെട്ട നടന് ജഗതി ശ്രീകുമാറിന്റെ മുപ്പത്തിയൊന്പതാം വിവാഹ വാര്ഷികം വൈറലായിരിക്കുകയാണ്. ഭാര്യയില് നിന്നും സ്നേഹ ചുംബനം ഏറ്റ് വാങ്ങുന്ന ജഗതി ശ്രീകുമാറിന്റെ ചിത്രമാണ് വൈറലായിരിക്കുന്നത്. ഇരുവരും അറിയാതെ മകള് പാര്വ്വതി ഷോണ് എടുത്ത് ചിത്രം തന്റെ ഫേസ്ബുക്കില് പോസ്റ്റ് ചെയ്യുകയും ചെയ്തു. നിമിഷങ്ങള്ക്കുള്ളിലാണ് ചിത്രം വൈറലായത്.
നടന്റെ വിവാഹ വാര്ഷികം ആണെന്ന് അറിഞ്ഞതോടെ പോസ്റ്റിന് താഴെ ആശംസകളുമായി ആരാധകര് ഒഴുകി.
വിവാഹവാര്ഷികാശംസകള്.. അമ്മയ്ക്കും അപ്പയ്ക്കും.. ഈശ്വരന് നിങ്ങളെ അനുഗ്രഹിക്കട്ടെ.. ഇവരുടെ മുപ്പത്തിയൊമ്പതാം വിവാഹവാര്ഷികമായിരുന്നു. ചിത്രം പകര്ത്തിയത് ഞാന് തന്നെ. അമ്മ അറിഞ്ഞില്ല. ചിത്രത്തിനൊപ്പം പങ്കുവെച്ച പാര്വതിയുടെ കുറിപ്പാണിത്.
മല്ലിക സുകുമാരനുമായി നടന്ന വിവാഹമോചനത്തിന് ശേഷം 1980 ലാണ് ജഗതി ശോഭയെ വിവാഹം ചെയ്യുന്നത്. രാജ്കുമാര്, പാര്വ്വതി എന്നിവരാണ് മക്കള്. 2102 ല് നടന്ന വാഹനാപകടത്തില് ഗുരുതരമായി പരിക്കേറ്റ് ചികിത്സയില് കഴിയുന്ന ജഗതി വര്ഷങ്ങളായി അഭിനയ രംഗത്ത് നിന്നും വിട്ട് നില്ക്കുകയാണ്.
https://www.facebook.com/Malayalivartha