ബോളിവുഡിലെ റൊമാന്റിക് ദമ്പതികളാണെന്ന് വിശേഷിപ്പിക്കുന്ന ദമ്പതികളാണ് ഷാഹിദ് കപൂറും മിരാ രജ്പുതും. ജീവിതത്തിലെ മനോഹര നിമിഷങ്ങള്‍ എപ്പോഴും ആരാധകരുമായി പങ്കുവെക്കാറുമുണ്ട് ഇരുവരും. റാംപ് വാക്കായാലും പാര്‍ട്ടികളോ താരനിശകളോ ആയാലും ഷാഹിദ് കപൂറിനൊപ്പം കൈകോര്‍ത്തു മിരയും ഉണ്ടാകും. ഡല്‍ഹി സ്വദേശിയായ മിരാ രജ്പുതിനെ ആദ്യമായി കണ്ടത്തിനെപ്പറ്റിയും വിവാഹത്തെപ്പറ്റിയും ഷാഹിദ് മനസുതുറന്നു. 2014 ല്‍ മിറയുമായുളള ആദ്യ കൂടിക്കാഴ്ച്ചയില്‍ ഒരു കാര്യത്തില്‍ മാത്രമേ ഉത്കണ്ഠ ഉണ്ടായിരുന്നുളളു എന്ന് താരം പറയുന്നു. ' ഇവിടെ ഈ മുറിയില്‍ ഈ വലിയ രണ്ട് സോഫകളില്‍....ഞങ്ങള്‍ മാത്രമേ ഉള്ളൂ. ഈ പെണ്‍കുട്ടിയുമായുളള സംസാരം 15 മിനിറ്റ് പോലും നീണ്ടുനില്‍ക്കുമോ'? പക്ഷേ ആ ചാറ്റ് ഇരുവരും അവസാനിപ്പിച്ചത് ഏഴ് മണിക്കൂറിന് ശേഷമാണ് എന്ന് ഷാഹിദ് അഭിമുഖത്തില്‍ പറഞ്ഞു.

മിരാ രജ്പുത് ബോളിവുഡ് സിനിമകളുടെ ആരാധകയല്ല, അതിനാല്‍ തന്നെ ഷാഹിദിന്റെയും ആരാധകയല്ല. ' ഞാന്‍ ഒരു ബോളിവുഡ് ആരാധകയല്ല, ഇത് ഒരു നല്ല കാര്യമാണെന്ന് ഞാന്‍ കരുതുന്നു. കാരണം ആദ്യ കൂടിക്കാഴ്ച്ചയിലാണ് ഞങ്ങള്‍ യഥാര്‍ത്ഥത്തില്‍ പരസ്പരം മനസ്സിലാക്കിയത് അത് മറ്റുളളവര്‍ എന്ത് കരുതുന്നു എന്നതിനല്ല ഞങ്ങള്‍ പരസ്പരം എങ്ങനെ മനസിലാക്കുന്നു എന്നാണ് മിരാ പറഞ്ഞു.