2010-ലാണ് ബാലയും അമൃതയും വിവാഹിതരായത്. എന്നാല്‍ കഴിഞ്ഞ മൂന്ന് വര്‍ഷമായി തമ്മില്‍ പിരിഞ്ഞു താമസിക്കുകയാണ് ഇരുവരും. കഴിഞ്ഞ ദിവസമായിരുന്നു അമൃതയുടെയും ബാലയുടെയും മകൾ പാപ്പുവിന്റെ പിറന്നാൾ . മകൾക്ക് പിറന്നാൾ ആശംസ സോഷ്യൽമീഡിയയിലൂടെ പങ്കുവയ്ക്കുകയായിരുന്നു ബാല. തനിക്കൊപ്പമുള്ള മകളുടെ പഴയ ഫോട്ടക്കൊപ്പമായിരുന്നു ആശംസ പങ്കുവച്ചത്. മകളുടെ പിറന്നാളിന് ഹൃദയസ്പര്‍ശിയായ കുറിപ്പുമായി നടന്‍ ബാല. 'പിറന്നാളാശംസകള്‍ പാപ്പു…എന്റെ ജീവിതത്തില്‍ എന്തിലൂടെയെല്ലാം ഞാന്‍ കടന്നു പോയിട്ടുണ്ടെങ്കിലും ഞാനിന്ന് ജീവിച്ചിരിക്കുന്നതിന് കാരണം നീയാണ്. നമ്മള്‍ തമ്മിലുള്ള സ്നേഹം അനന്തമാണെന്ന് ഞാന്‍ വിശ്വസിക്കുന്നു.

അതുകൊണ്ട് തന്നെ ഒരു ദുഷ്ടശക്തിക്കും നമ്മെ പിരിക്കാന്‍ കഴിയില്ല. ഒരുപാട് കാര്യങ്ങള്‍ പങ്കുവയ്ക്കണമെന്നുണ്ട്. എന്റെ കൈകള്‍ ബന്ധിക്കപ്പെട്ടിരിക്കുന്നു. എന്റെ മാലാഖയ്ക്ക് എല്ലാ ആശംസകളും.'-ബാല കുറിച്ചു. മകളുടെ പിറന്നാള്‍ അമ്മ അമൃതയും ആഘോഷമാക്കി മാറ്റി. 'പാപ്പുവിന്റെ ഈ സന്തോഷം കാണാനാണ് അമ്മ ജീവിച്ചിരിക്കുന്നത്' മകള്‍ക്ക് പിറന്നാള്‍ ആശംസകള്‍ നേര്‍ന്നുകൊണ്ട് അമൃത സുരേഷ് കുറിച്ചു. വര്‍ഷങ്ങള്‍ക്ക് മുമ്പ് ഏഷ്യാനെറ്റിലെ സ്റ്റാർ സിംഗറിലൂടെ പ്രേക്ഷകർക്ക് സുപരിചിതയായ ഗായികയായിരുന്നു അമൃത സുരേഷ്. റിയാലിറ്റി ഷോയ്ക്ക് ശേഷം മലയാളത്തിലെ പിന്നണി ഗായിക പട്ടികയിൽ ഇടം പിടിക്കുകയായിരുന്നു. ഇതിന് പിന്നാലെ നടൻ ബാലയും അമൃതയും പ്രണയിച്ച് വിവാഹിതരായത്.