രാജ്യാന്തര പുരസ്കാര നിറവിൽ ജയസൂര്യ ; മികച്ച നടനുള്ള പുരസ്ക്കാരം നേടിയത് 'ഞാന് മേരിക്കുട്ടി' എന്ന ചിത്രത്തിന്
നടൻ ജയസൂര്യ മികച്ച നടനുള്ള രാജ്യാന്തര പുരസ്കാരം നിറവിൽ. 'ഞാന് മേരിക്കുട്ടി' എന്ന ചിത്രത്തിലെ അഭിനയത്തിനാണ് പുരസ്ക്കാരം കിട്ടിയത്. അമേരിക്കയിലെ സിന്സിനാറ്റിയില് നടന്ന ഇന്ത്യന് ഫിലിം ഫെസ്റ്റിവല് ഓഫ് സിന്സിനാറ്റിയിലാണ് താരത്തെ മികച്ച നടനായി തിരഞ്ഞെടുത്തത്. ജയസൂര്യ ഫേസ്ബുക്കിലൂടെ അവാര്ഡ് ലഭിച്ച കാര്യം അറിയിച്ചിരിക്കുന്നു.
'ഇന്ത്യന് ഫിലിം ഫെസ്റ്റിവല് ഒഫ് സിന്സിനാറ്റിയില് മികച്ച നടനായി തിരഞ്ഞെടുക്കപ്പെട്ട വിവരം സന്തോഷത്തോടെയും അഭിമാനത്തോടെയും അറിയിക്കുന്നു. 'ഞാന് മേരിക്കുട്ടി'എന്റെ കരിയറിലെ ഏറ്റവും പ്രയാസമേറിയതും വെല്ലുവിളി നിറഞ്ഞതുമായ ഒരു കഥാപാത്രം രഞ്ജിത് ശങ്കറിനും സിനിമയിലെ എല്ലാ അണിയറപ്രവര്ത്തകര്ക്കും നന്ദി'- എന്ന് ജയസൂര്യ ഫേസ്ബുക്കിൽ കുറിക്കുകയുണ്ടായി .
മത്സര വിഭാഗത്തില് ഇന്ത്യയില് നിന്നുള്ള അഞ്ഞൂറോളം സിനിമകള് ഉൾപ്പെട്ടിരുന്നു. മാത്രമല്ല പാകിസ്ഥാന്, ബംഗ്ലാദേശ്, ശ്രീലങ്ക തുടങ്ങിയ രാജ്യങ്ങളില് നിന്നുള്ള സിനിമകളും മത്സരത്തിനുണ്ടായിരുന്നു. തെക്കേ ഏഷ്യന് രാജ്യങ്ങളില് നിന്നുള്ള സിനിമാ പ്രവര്ത്തകര്ക്ക് പ്രചോദനം നൽകുക എന്ന ഉദ്ദേശത്തോടെയാണ് മേള സംഘടിപ്പിച്ചിരിക്കുന്നത്.
https://www.facebook.com/Malayalivartha
