രജനികാന്ത് ചിത്രം വേട്ടയനില് ഫഹദും...
രജനികാന്തിനെ നായകനാക്കി ടി ജെ ജ്ഞാനവേല് സംവിധാനം ചെയ്യുന്ന ചിത്രമാണ് വേട്ടയനില് ഫഹദ് ഫാസിലും. 2024ല് തെന്നിന്ത്യന് സിനിമാ പ്രേക്ഷകര് ഏറെ ആകാംഷയോടെ കാത്തിരിക്കുന്ന ചിത്രങ്ങളില് ഒന്നാണിത്. വന് താരനിരയാണ് ചിത്രത്തില് അണിനിരക്കുന്നത്. കേരളത്തിലുള്പ്പെടെയായിരുന്നു വേട്ടയന്റെ ചിത്രീകരണം.
ഇപ്പോഴിതാ ചിത്രത്തിന്റെ ലൊക്കേഷന് വീഡിയോ വൈറലാവുകയാണ്. ഫഹദ് ഫാസിലുമായുള്ള രജനികാന്തിന്റെ കോമ്പിനേഷന് സീനിന്റെ ദൃശ്യങ്ങളാണ് ചോര്ന്നത്. ഫോര്മല് വേഷത്തിലാണ് രജനികാന്തെങ്കില് ഫഹദ് കളര്ഫുള് വേഷത്തിലാണുള്ളത്. സ്ലിങ് ബാഗും ഫഹദ് ധരിച്ചിട്ടുണ്ട്. നേരത്തെ ലൊക്കേഷനില് നിന്നുള്ള ഇരുവരുടേയും ഒരു സ്റ്റില് സോഷ്യല് മീഡിയയില് പ്രചരിച്ചിരുന്നു.
അന്തരിച്ച നടന് വിജയകാന്തിന് ആദരാഞ്ജലിയര്പ്പിക്കാന് ചെന്നൈയിലേക്ക് പോയിരുന്നതിനാല് ചിത്രീകരണത്തില് നിന്ന് ഇടവേളയെടുത്തിരിക്കുകയാണ് രജനികാന്ത് ഇപ്പോള്. അമിതാഭ് ബച്ചന്, റാണ ദഗ്ഗുബട്ടി,മഞ്ജു വാര്യര്, റിതിക സിംഗ്, ദുഷാര വിജയന് എന്നിവരും ചിത്രത്തില് പ്രധാന വേഷത്തെ അവതരിപ്പിക്കുന്നുണ്ട്. രജനികാന്തിന്റെ 170-ാം ചിത്രമാണ് ലൈക്ക പ്രൊഡക്ഷന്സ് നിര്മ്മിക്കുന്ന 'വേട്ടയാന്'.
സംഗീതസംവിധായകന് അനിരുദ്ധ് രവിചന്ദര്, ഛായാഗ്രാഹകന് എസ് ആര് കതിര്, എഡിറ്റര് ഫിലോമിന് രാജ് എന്നിവരും സാങ്കേതിക സംഘത്തിന്റെ ഭാഗമാണ്. 32 വര്ഷങ്ങള്ക്കു ശേഷം അമിതാഭ് ബച്ചനും രജനികാന്തും ഒരുമിച്ചഭിനയിക്കുന്ന ചിത്രം കൂടെയാണ് ഇത്. 1991-ല് ഹം എന്ന ചിത്രത്തിലാണ് ഇരുവരും അവസാനമായി ഒരുമിച്ചഭിനയിച്ചത്. തെലുങ്കില് പ്രഭാസ് നായകനാവുന്ന പ്രോജക്റ്റ് കെയിലും അമിതാഭ് ബച്ചന് അഭിനയിക്കുന്നുണ്ട്.
https://www.facebook.com/Malayalivartha
