കമൽ ഹാസനെയും ശ്രീവിദ്യയേയും അറിയാത്തവർ ആരും ഉണ്ടാകില്ല. മലയാളികൾ എക്കാലത്തും മനസ്സിൽ ഓർക്കുന്ന ഇഷ്ട നായിക. എന്നാൽ ഇരുവരും തമ്മിലുളള പ്രണയം സിനിമാ ലോകത്ത് ഏറെ ചർച്ചയായതാണ്. 1975 ൽ പുറത്തിറങ്ങിയ അപൂർവ രാ​ഗങ്ങൾ എന്ന സിനിമയ്ക്കിടെയാണ് കമലും ശ്രീവിദ്യയും അടുക്കുന്നത്. എന്നാൽ അധികകാലം ഈ ബന്ധം മുന്നോട്ട് പോയില്ല. ശ്രീവിദ്യയിമായി അകന്ന കമൽ നർത്തകി വാണി ​ഗണപതിയെ വിവാഹം ചെയ്തു. വാണി ​ഗണപതിയുമായുള്ള വിവാഹബന്ധം പത്ത് വർഷത്തിനുള്ളിൽ അവസാനിച്ചു. ഇതിനിടെ നടി സരികയ്ക്കൊപ്പം കമൽ പുതിയൊരു ജീവിതം തുടങ്ങി. ഈ ബന്ധത്തിൽ ശ്രുതി ഹാസൻ, അക്ഷര ഹാസൻ എന്നീ മക്കളും ജനിച്ചു. സരികയുമായുള്ള ബന്ധം അവസാനിച്ച ശേഷം നടി ​ഗൗതമിയുമായി ലിവിം​ഗ് ടു​ഗെദർ റിലേഷൻഷിപ്പിലേക്കും കമൽ ഹാസൻ കടന്നു. എന്നാൽ 2016 ൽ ഈ ബന്ധവും അവസാനിച്ചു. ഇന്ന് സിനിമയ്ക്കൊപ്പം രാഷ്ട്രീയത്തിലും കമൽ സാന്നിധ്യം അറിയിക്കുന്നുണ്ട്.

എന്നാൽ തങ്ങൾ തമ്മിലുണ്ടായിരുന്ന പ്രണയത്തെക്കുറിച്ച് പിന്നീട് തുറന്ന് സംസാരിക്കാൻ കമലോ ശ്രീവിദ്യയോ മടിച്ചിട്ടില്ല. കമൽ ഹാസനെ വിവാഹം ചെയ്യാൻ തീരുമാനിച്ചിരുന്നു. ഒരു അഭിമുഖത്തിൽ അപൂർവരാഗങ്ങളിൽ ശ്രീവിദ്യക്കൊപ്പമുള്ള ഒരു ഫോട്ടോ കാണിച്ചപ്പോഴാണ് കമൽ ഹാസൻ ഓർമ്മ പങ്കുവെച്ചത്. പത്തൊൻപത് വയസിലാണ് ഈ ഫോട്ടോയെടുത്തതെന്ന് കമൽ ഹാസൻ പറഞ്ഞു. ആത്മസുഹൃത്താണോ എന്ന് ചോദിച്ചപ്പാേൾ സുഹൃത്തല്ല കാമുകിയാണ്, അതിലൊരു സംശയവും ഇല്ലെന്ന് കമൽ മറുപടി നൽകി. ഈ സിനിമയിലെ കഥാപാത്രങ്ങളെ പോലെ പ്രണയത്തിലായതാണോ എന്നറിയില്ല. പക്ഷെ അവസാനം വരെയും മറക്കാൻ പറ്റാതെ ഇരുവർക്കുമിടയിൽ ആ സ്നേഹം ഉണ്ടായിരുന്നു. അത് കല്യാണത്തിൽ എത്തേണ്ട ആവശ്യമില്ലെന്നും കമൽ ഹാസൻ വ്യക്തമാക്കി.