ചലച്ചിത്രനാടക നടന്‍ പടാരുകുളങ്ങര ഉപാസനയില്‍ ആര്‍ ഗോപിനാഥ് (84) അന്തരിച്ചു. സംസ്‌കാരം ഇന്ന് പകല്‍ 11ന് വീട്ടുവളപ്പില്‍ നടക്കും. കൊല്ലം കൊട്ടാരക്കര പരേതരായ രാമന്‍ നായരുടെയും കല്യാണി അമ്മയുടെയും മകനാണ്.

രണ്ടായിരത്തിലേറെ നാടകങ്ങളില്‍ അഭിനയിച്ചിട്ടുണ്ട്. വില്‍ക്കാനുണ്ട് സ്വപ്നങ്ങള്‍, ഇന്ത്യന്‍ റുപ്പി, പാലേരി മാണിക്യം ഒരു പാതിരാ കൊലപാതകം തുടങ്ങിയ സിനിമകളില്‍ അഭിനയിച്ചു. നിരവധി സീരിയലുകളിലും വേഷമിട്ടിട്ടുണ്ട്.


1989ല്‍ പി എ കൃഷ്ണന്‍കുട്ടിയുടെ നാളെയുടെ പാട്ടിലെ അഭിനയത്തിന് കേരള സംഗീത നാടക അക്കാദമി അവാര്‍ഡ് ലഭ്യമായി. വി കെ കൃഷ്ണമേനോന്‍ അവാര്‍ഡ്, പള്ളം ട്രോഫി തുടങ്ങിയ നിരവധി പുരസ്‌കാരങ്ങള്‍ നേടി. മാവൂര്‍ ഗ്രാസിം മുന്‍ ജീവനക്കാരനാണ്. സിപിഐ എം ഫാക്ടറി എല്‍സി അംഗമായി പ്രവര്‍ത്തിച്ചു. നിലവില്‍ പടാരുകുളങ്ങര ബ്രാഞ്ചംഗമാണ്.