ജയില്‍ ജീവിതത്തിലെ അനുഭവങ്ങള്‍ വെളിപ്പെടുത്തി നടി റിയ ചക്രവര്‍ത്തി... ഇന്ത്യയിലെ ജയിലുകളില്‍ ഇപ്പോഴും ബ്രിട്ടിഷ് രീതിയാണ്
ലഹരിമരുന്ന് കേസില്‍ ജയിലിലായ ബോളിവുഡ് നടി റിയ ചക്രവര്‍ത്തി തന്റെ ജയില്‍ ജീവിതത്തിലെ അനുഭവങ്ങള്‍ പങ്കുവച്ചിരിക്കുകയാണ്. ബോളിവുഡ് നടന്‍ സുശാന്ത് സിങ് രാജ്പുത്തിന്റെ മരണവുമായി ബന്ധപ്പെട്ട ലഹരിമരുന്ന് കേസിലാണ് റിയ ഒരു മാസത്തോളം ജയില്‍ ശിക്ഷ അനുഭവിച്ചത്. ചേതന്‍ ഭഗത്തിന്റെ ചാറ്റ് ഷോയിലാണ് റിയ തന്റെ ദുരനുഭവം വിവരിച്ചത്. ജയിലിലെ ഭക്ഷണം മുതല്‍ തിരികെ ജീവിതത്തിലേക്ക് വരാന്‍ നടത്തിയ ശ്രമങ്ങള്‍ ഉള്‍പ്പെടെ നേരിട്ട വെല്ലുവിളികള്‍ നടി പങ്കുവച്ചു.
കോവിഡ് സമയത്ത് അറസ്റ്റിലായതിനാല്‍ 14 ദിവസത്തോളം എനിക്ക് ഏകാന്ത തടവില്‍ കഴിയേണ്ടി വന്നു. ആ മുറിയില്‍ ഞാന്‍ ഒറ്റയ്ക്കായിരുന്നു. വിശപ്പും ക്ഷീണവും കാരണം കഴിക്കാന്‍ നല്‍കിയതെല്ലാം കഴിച്ചു. റൊട്ടിയും കാപ്‌സിക്കവുമായിരുന്നു ജയിലിലെ ഭക്ഷണം. രാവിലെ ആറിനാണ് പ്രഭാത ഭക്ഷണം ലഭിക്കുക. പതിനൊന്നോടെ ഉച്ചഭക്ഷണവും ഉച്ചയ്ക്ക് ശേഷം രണ്ടു മണിയോടെ അത്താഴവും ലഭിക്കും. കാരണം ഇപ്പോഴും ഇന്ത്യയിലെ ജയിലുകളില്‍ ബ്രിട്ടിഷ് രീതിയാണ് പിന്തുടരുന്നത്.
https://www.facebook.com/Malayalivartha
