പത്ത് വർഷത്തെ പ്രണയസാഫല്യം!! ജനുവരി 26 ന് തിരുവനന്തപുരത്ത് വെച്ച് വിവാഹം; ഫോട്ടോഷൂട്ട് ചിത്രങ്ങൾ വൈറലായതിന് പിന്നാലെ ആ രഹസ്യം പുറത്ത്; സ്വാസികയുടെ വരനെ കണ്ടു ഞെട്ടി ആരാധകർ!
വളരെ ബോള്ഡായി കഥാപാത്രങ്ങള് ചെയ്യുന്ന നടിയാണ് സ്വാസിക വിജയ്. സീരിയലുകളിലും സിനിമയിലുമൊക്കെ മറ്റുള്ള നടിമാര് ചെയ്യാന് മടിക്കുന്ന വേഷം വളരെ മനോഹരമായി അവതരിപ്പിച്ച് സ്വാസിക ജനപ്രീതി നേടിയിട്ടുണ്ട്. ഇപ്പോഴിതാ നടി വിവാഹിതയാകാൻ പോകുന്നു എന്ന വാർത്തയാണ് പുറത്ത് വരുന്നത്. ടെലിവിഷൻ താരവും മോഡലുമായ പ്രേം ജേക്കബ് ആണ് വരൻ. പ്രണയവിവാഹമാണ്. ജനുവരി 26 ന് തിരുവനന്തപുരത്ത് വിവാഹവും 27ന് കൊച്ചിയിൽ സുഹൃത്തുക്കൾക്കായി വിവാഹവിരുന്നും സംഘടിപ്പിക്കും. ‘മനംപോലെ മംഗല്യം’ എന്ന സീരിയലിൽ സ്വാസികയും പ്രേമും ഒന്നിച്ച് അഭിനയിച്ചിട്ടുണ്ട്. ഇവര് തമ്മിലുള്ള ഫോട്ടോഷൂട്ട് ചിത്രങ്ങളും പ്രേക്ഷകർക്കിടയില് വൈറലായിരുന്നു. തിരുവനന്തപുരം സ്വദേശിയാണ് പ്രേം. വിജയകുമാറിന്റെയും ഗിരിജയുടെയും മകളായ സ്വാസിക മൂവാറ്റുപുഴ സ്വദേശിയാണ്. പൂജ വിജയ് എന്നാണ് യഥാർഥ പേര്.
അതേസമയം പ്രേമിച്ചിട്ടേ കല്യാണം കഴിക്കുകയുള്ളു. ചില കല്യാണ സ്വപ്നങ്ങളും തനിക്കുണ്ട്. വിവാഹത്തിന് സ്ത്രീധനമായിട്ടൊന്നും കൊടുക്കാന് ഉദ്ദേശിക്കുന്നില്ല. എന്നാല് കല്യാണദിവസം ഇടാനുള്ള ആഭരണങ്ങളൊക്കെ ഉണ്ടാവും. അത് പക്ഷേ ഭര്ത്താവിനോ അദ്ദേഹത്തിന്റെ വീട്ടുകാര്ക്കോ കൊടുക്കാനുള്ളതല്ലെന്നുമായിരുന്നു നടന് ഷൈന് ടോമിനൊപ്പം പുതിയ സിനിമയുടെ പ്രൊമോഷനുമായി ബന്ധപ്പെട്ട് നടന്ന അഭിമുഖത്തിനിടെ സ്വാസിക പറഞ്ഞിരുന്നത്.
എന്തായാലും പത്ത് വർഷത്തെ പ്രണയമാണ് സഫലമാകാൻ പോകുന്നത്. തനിക്കൊരു പ്രണയമുണ്ടെന്ന് ഇതിനു മുൻപ് പല അഭിമുഖങ്ങളിലും സ്വാസിക തുറന്നു പറഞ്ഞിട്ടുണ്ട്. പക്ഷെ അതാരാണെന്ന് വെളിപ്പെടുത്താൻ തയ്യാറായിരുന്നില്ല. അതുകൊണ്ട് തന്നെ സോഷ്യൽമീഡിയയിൽ ഗോസിപ്പുകൾ കൊണ്ട് നിറഞ്ഞിരുന്നു.
2009ൽ വൈഗൈ എന്ന തമിഴ് ചിത്രത്തിൽ നായികയായി അഭിനയിച്ചുകൊണ്ടാണ് സ്വാസിക സിനിമാലോകത്തേക്കെത്തുന്നത്. 2010ൽ ഫിഡിൽ എന്ന സിനിമയിലൂടെ സ്വാസിക മലയാളത്തിലും തുടക്കമിട്ടു. ആ വർഷം തന്നെ ഗോരിപാളയം എന്ന തമിഴ് ചിത്രത്തിലും നായികയായി. തുടർന്ന് മലയാളത്തിലും തമിഴിലുമായി നിരവധി ചിത്രങ്ങളിൽ അഭിനയിച്ചു. പ്രഭുവിന്റെ മക്കൾ, കട്ടപ്പനയിലെ ഋത്വിക് റോഷൻ, പൊറിഞ്ചു മറിയം ജോസ്, ചതുരം എന്നിവ ശ്രദ്ധേയമായ ചിത്രങ്ങളിൽ ചിലതാണ്. ടെലിവിഷൻ സീരിയലുകളിലും സജീവമാണ് സ്വാസിക. 2014 മുതലാണ് സീരിയലുകളിൽ അഭിനയിക്കാൻ തുടങ്ങിയത്. മഴവിൽ മനോരമയിൽ സംപ്രേഷണം ചെയ്ത ദത്തുപുത്രി എന്ന സീരിയലിലാണ് സ്വാസിക ആദ്യമായി അഭിനയിക്കുന്നത്. പല ചാനലുകളിലായി വിവിധ ടെലിവിഷൻ റിയാലിറ്റിഷോകളിലും സാന്നിധ്യമറിയിച്ചു. വാസന്തി എന്ന സിനിമയിലെ അഭിനയത്തിന് മികച്ച സഹനടിക്കുള്ള അവാർഡ് ലഭിച്ചിരുന്നു. ഷൈൻ ടോം ചാക്കോ നായകനായ ‘വിവേകാനന്ദൻ വൈറലാണ്’ എന്ന സിനിമയാണ് സ്വാസികയുടേതായി ഇനി വരാനിരിക്കുന്നത്. ഈ ചിത്രത്തിലെ നായികമാരിൽ ഒരാളാണ് താരം.
https://www.facebook.com/Malayalivartha
