അമേരിക്കന്‍ നടന്‍ കാള്‍ വെതേഴ്‌സ് (76) അന്തരിച്ചു. കുടുംബമാണ് മരണവിവരം പുറത്തുവിട്ടത്. റോക്കി ഫ്രാഞ്ചൈസിയില്‍ അപ്പോളോ ക്രീഡായി വേഷമിട്ട് ശ്രദ്ധിക്കപ്പെട്ട നടനാണ്. 50 വര്‍ഷം നീണ്ട സിനിമ ജീവിതത്തില്‍ 75 ചിത്രങ്ങളില്‍ വേഷമിട്ടു.

1948ല്‍ ന്യൂഓര്‍ലിയന്‍സിലാണ് വെതേഴ്‌സ് ജനിച്ചത്. ഫുട്‌ബോള്‍ രംഗത്തുനിന്നുമാണ് സിനിമയിലെത്തുന്നത്. 1987ല്‍ അര്‍നോള്‍ഡിനൊപ്പം വേഷമിട്ട പ്രഡേറ്ററും ഏറെ ശ്രദ്ധിക്കപ്പെട്ടു. ഹാപ്പി ഗില്‍മോര്‍, ദ മണ്ഡലോറിയന്‍ എന്നിവയാണ് മറ്റു പ്രശസ്ത ചിത്രങ്ങള്‍. 2021ല്‍ എമ്മി പുരസ്‌കാരത്തിനായി നാമനിര്‍ദേശം ചെയ്യപ്പെട്ടു.