സിനിമയ്ക്ക് പുറമെ തന്റെ പ്രസ്താവനകളിലൂടെയും വെളിപ്പെടുത്തലുകല്‍ലൂടെയും സോഷ്യല്‍ മീഡിയയില്‍ നിറഞ്ഞു നില്‍ക്കുന്ന ബോളിവുഡ് താരമാണ് കങ്കണ റണാവത്ത്. കങ്കണ നായികയായി വേഷമിടുന്ന ചിത്രം എമര്‍ജന്‍സി പ്രദര്‍ശനത്തിന് ഒരുങ്ങുകയാണ്. ചിത്രത്തില്‍ ഇന്ദിരാഗാന്ധിയായാണ് കങ്കണ എത്തുന്നത്. ജൂണ്‍ 14നാവും ചിത്രം പ്രദര്‍ശനത്തിന് എത്തുക.

ഇപ്പോഴിതാ പ്രധാനമന്ത്രിയാകാന്‍ പദ്ധതിയുണ്ടോയെന്ന മാദ്ധ്യമ പ്രവര്‍ത്തകന്റെ ചോദ്യത്തിന് കങ്കണ നല്‍കിയ മറുപടി ശ്രദ്ധനേടുകയാണ്. മറ്റൊരു സിനിമയുടെ ട്രെയിലര്‍ ലോഞ്ചിനിടെയാണ് സംഭവം. എമര്‍ജന്‍സി എന്ന ഒരു സിനിമ താന്‍ ചെയ്തിട്ടുണ്ട് എന്നായിരുന്നു കങ്കണ റണൗട്ടിന്റെ മറുപടി. സിനിമ നിങ്ങള്‍ കണ്ടതിന് ശേഷം താന്‍ പ്രധാനമന്ത്രിയാകണം എന്ന് ആവശ്യപ്പെടില്ല എന്നും കങ്കണ റണൗട്ട് മറുപടി നല്‍കി.

ഛായാഗ്രാഹണം ടെറ്റ്സുവോ നഗാത്തയാണ്. റിതേഷ് ഷാ കങ്കണയുടെ ചിത്രത്തിന്റെ തിരക്കഥ എഴുതുമ്പോള്‍ തന്‍വി കേസരി പശുമാര്‍ഥിയാണ് 'എമര്‍ജന്‍സി'യുടെ അഡിഷണല്‍ ഡയലോ?ഗ്സ് ഒരുക്കിയിരിക്കുന്നത്. സഞ്ജയ് ഗാന്ധിയായി മലയാളത്തിലെ യുവതാരം വൈശാഖ് നായരാണ് എത്തുന്നത്. ആദ്യമായി കങ്കണ റണൗട് സ്വതന്ത്ര സംവിധായികയാകുന്ന പ്രൊജക്റ്റ് കൂടെയാണ് 'എമര്‍ജന്‍സി'. മണികര്‍ണിക ഫിലിംസിന്റെ ബാനറില്‍ കങ്കണയും രേണു പിറ്റിയും ചേര്‍ന്നാണ് ചിത്രം നിര്‍മിക്കുന്നത്. കങ്കണ റണൗടിന്റെ രണ്ടാമത് സംവിധാന സംരംഭമാണിത്.