ഗായികയും നടിയുമായ മല്ലിക രജ്പുതിനെ വീടിനുള്ളില്‍ തൂങ്ങിമരിച്ച നിലയില്‍ കണ്ടെത്തി. 35 വയസായിരുന്നു. ചൊവ്വാഴ്ചയാണ് സംഭവം. കുടുംബാംഗങ്ങള്‍ ഉറങ്ങുന്ന സമയത്തായിരുന്നു സംഭവമെന്നും എന്താണ് സംഭവിച്ചതെന്ന് അറിയില്ലെന്നും അമ്മ സുമിത്ര സിംഗ് പറഞ്ഞു. ഉത്തര്‍പ്രദേശിലെ കോട്വാലി പൊലീസ് സ്റ്റേഷന്‍ പരിധിയിലാണ് സംഭവം.

ആത്മഹത്യയാണെന്നാണ് പ്രാഥമിക നിഗമനം. പോസ്റ്റ്മോര്‍ട്ടം റിപ്പോര്‍ട്ട് വന്നാല്‍ മാത്രമേ മരണകാരണം വ്യക്തമാകൂവെന്ന് പൊലീസ് പറയുന്നു. സംഭവത്തില്‍ പൊലീസ് അന്വേഷണം ആരംഭിച്ചു. 2014 ല്‍ റിവോള്‍വര്‍ റാണിയില്‍ കങ്കണ റണാവത്തിനൊപ്പം മല്ലിക രാജ്പുത് അഭിനയിച്ചു. പിന്നീട് ഷാന്‍ എഴുതിയ യാരാ തുജെ എന്ന ഗാനത്തിന്റെ മ്യൂസിക് വീഡിയോയില്‍ അവര്‍ പ്രത്യക്ഷപ്പെട്ടു. 2016ല്‍ മല്ലിക ബിജെപിയില്‍ ചേര്‍ന്നെങ്കിലും രണ്ട് വര്‍ഷത്തിന് ശേഷം പാര്‍ട്ടി വിട്ടു.

പരിശീലനം സിദ്ധിച്ച കഥക് നര്‍ത്തകിയായിരുന്ന അവര്‍ നിരവധി കവിതാ സെഷനുകളില്‍ സ്വന്തമായി ഗസലുകള്‍ എഴുതാനും അവതരിപ്പിക്കാനും തുടങ്ങിയിരുന്നു.