നോട്ടീസ് അവഗണിച്ചത് മൂന്ന് തവണ... നടന് സുരാജ് വെഞ്ഞാറമൂടിന്റെ ഡ്രൈവിങ് ലൈസന്സ് സസ്പെന്ഷന് നടപടിയിലേക്ക് കടന്ന് മോട്ടോര് വാഹന വകുപ്പ്
നോട്ടീസ് അവഗണിച്ചത് മൂന്ന് തവണ... നടന് സുരാജ് വെഞ്ഞാറമൂടിന്റെ ഡ്രൈവിങ് ലൈസന്സ് സസ്പെന്ഷന് നടപടിയിലേക്ക് കടന്ന് മോട്ടോര് വാഹന വകുപ്പ്.
രാത്രിയില് അമിത വേഗത്തില് ഓടിച്ച കാര് ഇടിച്ച് ബൈക്ക് യാത്രക്കാരനു പരിക്കേറ്റ സംഭവത്തിലാണ് നടപടി. പാലാരിവട്ടം പോലീസാണ് കേസെടുത്ത് തുടര് നടപടിക്കായി മോട്ടോര് വാഹന വകുപ്പിനു കൈമാറിയത്. ഈ അപകടത്തില് ലൈസന്സ് സസ്പെന്ഡ് ചെയ്യാതിരിക്കാന് കാരണമുണ്ടെങ്കില് ബോധിപ്പിക്കണമെന്ന് ചൂണ്ടിക്കാട്ടി എറണാകുളം ആര്.ടി. ഓഫീസില് നിന്ന് നോട്ടീസ് നല്കി. താരത്തിന് രജിസ്ട്രേഡ് തപാലില് അയച്ച നോട്ടീസ് കൈപ്പറ്റിയതിന്റെ രസീത് ആര്.ടി.ഒ.യ്ക്ക് മടക്ക തപാലില് ലഭിച്ചിട്ടുണ്ടായിരുന്നു. ഇതിനു പിന്നാലെ രണ്ടാമതും മൂന്നാമതും നോട്ടീസ് അയച്ചു.
മൂന്നാം തവണയും നോട്ടീസിന് മറുപടി ലഭിക്കാതായതോടെയാണ് സസ്പെന്ഷന് നടപടി സ്വീകരിക്കാനായി അധികൃതര് തീരുമാനിച്ചത്. കഴിഞ്ഞ ജൂലായ് 29-ന് രാത്രി തമ്മനം-കാരണക്കോടം റോഡിലായിരുന്നു സുരാജ് ഓടിച്ച കാര് ഇടിച്ച് ബൈക്ക് യാത്രികന് പരിക്കേറ്റത്. മലപ്പുറം മഞ്ചേരി സ്വദേശി ശരത്തിനാണ് (31) വലതുകാലിന് പരിക്കുപറ്റിയത്. പാലാരിവട്ടം പൊലീസാണ് എഫ്ഐആര് മോട്ടര് വാഹന വകുപ്പിനു കൈമാറിയത് .
https://www.facebook.com/Malayalivartha
