തമിഴിലെയും തെലുങ്കിലും തിരക്കുള്ള യുവ നടി പ്രിയ ആനന്ദിന് ഇഷ്ടമുള്ള മലയാള താരം പൃഥ്വിരാജ്. എല്ലാ തിരക്കുകളും ഒഴിവാക്കി പ്രിയ പൃഥ്വിരാജിന്റെ ഇസ്രയില്‍ അഭിനയിക്കുകയാണ്. മേയില്‍ ചിത്രം ആരംഭിക്കും. മുമ്പും മലയാളത്തില്‍ നിന്ന് നിരവധി ഓഫറുകള്‍ വന്നിട്ടുണ്ടെങ്കിലും താരം സ്വീകരിച്ചിരുന്നില്ല. കഥയും മറ്റും ഇഷ്ടപ്പെടാത്ത കൊണ്ടായിരുന്നില്ല. ഡേറ്റ് ആയിരുന്നു പ്രശ്‌നം. എന്നാല്‍ പൃഥ്വിരാജ് ചിത്രത്തിനായി എല്ലാ തിരക്കുകളും താരം മാറ്റിവച്ചിരിക്കുകയാണ്. 

മറ്റ് ഭാഷകളിലേത് പോലെയല്ല മലയാളം ഓരോ പ്രോജക്ടുകളും ടൈം ഷെഡ്യൂളായി തീര്‍ക്കും. അത് തന്നെ അത്ഭുതപ്പെടുത്തിയെന്നും താരം പറഞ്ഞു. തമിഴിലും തെലുങ്കിലും ഹിന്ദിയിലും 10- 15 ദിവസമാണ് ഒരു ഷെഡ്യൂളിലനായി നല്‍കുന്നത്. എന്നാല്‍ മലയാളത്തിന് മിനിമം ഒരു മാസം വേണം. അതായിരുന്നു പലപ്പോഴും നല്ല തിരക്കഥകള്‍ ലഭിച്ചിട്ടും അഭിനയിക്കാന്‍ കഴിയാതിരുന്നത്. മാത്രമല്ല ഏറെനാളായി ഉള്ള ആഗ്രഹമാണ് മലയാളം പഠിക്കുക എന്നത്. ഇസ്രയുടെ സംവിധായകന്‍ ജയകൃഷ്ണന്‍ അതിന് സഹായിക്കാമെന്ന് ഏറ്റിട്ടുണ്ട്. അത് കൂടി കണക്കിലെടുത്താണ് താരം മോളിവുഡില്‍ എത്തുന്നത്. 

എതിര്‍നീര്‍ച്ചല്‍, അരിമാ നമ്പി, 180, ഇരുമ്പ് കുതിരൈ തുടങ്ങിയ ചിത്രങ്ങളിലൂടെയാണ് പ്രിയ ആനന്ദ് തെന്നിന്ത്യയില്‍ താരമായത്. മലയാളത്തില്‍ അഭിനയിക്കാന്‍ ടാലന്റ് മാത്രമാണ് വേണ്ടതെന്നും പ്രിയ പറഞ്ഞു. മറ്റ് ഭാഷകളിലൊക്കെ ഗ്ലാമര്‍ കൊണ്ട് പിടിച്ച് നില്‍ക്കാം. കാരണം നായികമാരെല്ലാം നായകന്റെ നിഴല്‍ മാത്രമാണ് പലപ്പോഴും. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha