അന്ന് അക്കൗണ്ട് മാനേജ് ചെയ്യുന്ന വേറെ ആരെങ്കിലുമായിരിക്കുമെന്നാണ് ഞാന്‍ കരുതിയത്. ഇപ്പോഴല്ലേ സംഭവം മനസിലാകുന്നത്. അജ്മലിനെതിരെയുള്ള ചാറ്റുകള്‍ പുറത്തുവിട്ട് നടി. എവിടെയാണ് വീട് എന്ന് ചോദിച്ചു. ഞാന്‍ അവിടെ വരുന്നുണ്ട്, മീറ്റ് ചെയ്യാമെന്നൊക്കെ പറഞ്ഞ് പുറത്തുവന്ന വോയിസ് ക്ലിപ്പിലുള്ള രീതിയിലൊക്കെയായിരുന്നു സംസാരിച്ചത്. പന്തികേട് തോന്നി.' യുവതി പറഞ്ഞു.

അജ്മലിനൊപ്പം പ്രവര്‍ത്തിച്ച ഒരു നടിയും ആരോപണവുമായി രംഗത്തെത്തിയിട്ടുണ്ട്. 'ഷെഡ്യൂള്‍ ബ്രേക്കിട്ടു. ഞാന്‍ ബംഗളൂരുവിലേക്ക് തിരിച്ചുപോകാനായി ബസ് ബുക്ക് ചെയ്തു. ഞാനും ബംഗളൂരുവിലേക്ക് ഉണ്ട്, വേണമെങ്കില്‍ ഒന്നിച്ചു ഫ്‌ളൈറ്റില്‍ പോകാമെന്ന് അജ്മല്‍ പറഞ്ഞു. വേണ്ട ഞാന്‍ ബുക്ക് ചെയ്തിട്ടുണ്ടെന്ന് മറുപടി കൊടുത്തു.

ഞാന്‍ ബംഗളൂരുവിലെത്തി അതിരാവിലെത്തന്നെ അജ്മലാണ്, എന്താണ് പരിപാടി, ഫ്രീയായിട്ട് പറ മീറ്റ് ചെയ്യാമെന്ന് പറഞ്ഞ് മെസേജ് വന്നു. വൈകിട്ടായപ്പോള്‍ പുള്ളി എന്നെ വിളിച്ചു. ഇപ്പോള്‍ യൂട്യൂബിലൊക്കെ പറയുന്ന പല വീഡിയോയിലും ആളുകള്‍ പറയുന്ന അതേ കാര്യങ്ങളാണ് ഞാനും കേട്ടത്. ആ സമയത്ത് ഞാന്‍ ഹോസ്റ്റലിലാണ് താമസിക്കുന്നത്. എന്നോട് പറഞ്ഞു, ആള് ഇന്ദിരാനഗറിലാണ് താമസിക്കുന്നതെന്ന്. വൈകിട്ട് വാ, പാര്‍ട്ടിയൊക്കെ ചെയ്യാമെന്ന് പറഞ്ഞു.

ഇത്ര സമയമാകുമ്പോള്‍ ഹോസ്റ്റല്‍ അടക്കുമെന്ന് ഞാന്‍ പറഞ്ഞു. ഇങ്ങോട്ട് വാ, ഇവിടെ സ്‌റ്റേ അറേഞ്ച് ചെയ്യാമെന്ന് പറഞ്ഞു. ഇറങ്ങാന്‍ പറ്റില്ലെന്ന് പറഞ്ഞു. ബ്രേക്ക് കഴിഞ്ഞ് സെറ്റില്‍ എത്തിക്കഴിഞ്ഞപ്പോള്‍ നമ്മളെ അപ്രോച്ച് ചെയ്യുന്ന രീതിയിലുള്ള കാണിക്കലുകള്‍ കണ്ടായിരുന്നു.' യുവതി വ്യക്തമാക്കി.

അജ്മല്‍ തനിക്കയച്ച മെസേജുകള്‍ പങ്കുവച്ചുകൊണ്ട് നടി റോഷ്‌ന റോയിയും രംഗത്തെത്തിയിട്ടുണ്ട്. 'എത്ര നല്ല വെള്ളപൂശല്‍. ചുമ്മാ ഇന്‍ബോക്‌സ് നോക്കിയപ്പോള്‍ ദേ കിടക്കുന്നു അണ്ണന്റെ എഐ മെസേജ്'' എന്നാണ് അജ്മല്‍ അയച്ച മെസേജിന്റെ സ്‌ക്രീന്‍ ഷോട്ടിനൊപ്പം റോഷ്‌ന കുറിച്ചത്. 'ഹൗ ആര്‍ യു', 'നീ അവിടെ ഉണ്ടോ' തുടങ്ങിയ മെസ്സേജുകളാണ് നടിക്ക് അയച്ചത്.