അന്തരിച്ച നടി കല്‍പ്പന വാങ്ങിയ പുതിയ അപ്പാര്‍ട്ട്‌മെന്റില്‍ മോഹന്‍ലാലെത്തി. പുതിയ ചിത്രമായ ഒപ്പത്തിന്റെ ചിത്രീകരണവുമായി ബന്ധപ്പെട്ടാണ് താരം എത്തിയത്. തൃപ്പൂണിത്തുറയില്‍ നിന്നും കുറച്ച് ഉള്ളിലാണ് ഫഌറ്റ്. അവിടുത്തെ 205ാം നമ്പര്‍ അപ്പാര്‍ട്ട്‌മെന്റ് കല്‍പ്പനയുടേതാണ്. ഫഌറ്റ് വാങ്ങി പാല് കാച്ചും നടന്നതാണ്. എന്നാല്‍ മറ്റ് താമസക്കാര്‍ എത്താഞ്ഞതിനാല്‍ കല്‍പ്പന പഴയ ഫഌറ്റിലേക്ക് പോയി. അതിനിടെ മരണവും സംഭവിച്ചു.

ഷൂട്ടിംഗിനെത്തിയ മോഹന്‍ലാല്‍ താമസക്കാരുടെ ലിസ്റ്റില്‍ കല്‍പ്പനയുടെ പേര് കണ്ട് അത്ഭുതപ്പെട്ടു. താരം കാര്യങ്ങള്‍ തിരക്കിയപ്പോഴാണ് ഈ വിവരം ലഭിച്ചത്. കല്‍പ്പനയും മോഹന്‍ലാലും ഒരുപാട് സിനിമകളില്‍ നല്ല വേഷങ്ങള്‍ ചെയ്തിട്ടുണ്ട്. എന്നും എപ്പോഴും എന്ന ചിത്രത്തിലായിരുന്നു അവസാനം അഭിനയിച്ചത്. അതില്‍ കല്‍പ്പനയെ ഇന്റര്‍വ്യൂ ചെയ്യാന്‍ ചെല്ലുന്ന ജേര്‍ണലിസ്റ്റിന്റെ വേഷമായിരുന്നു തനിക്കെന്ന് മോഹന്‍ലാല്‍ ഓര്‍മിച്ചു. ഒപ്പത്തിന്റെ ഷെഡ്യൂള്‍ തീര്‍ന്നാലുടന്‍ ലാല്‍ ഹൈദരാബാദിലേക്ക് പറക്കും. തെലുങ്ക് ചിത്രത്തിനായി.

മോഹന്‍ലാലും പ്രിയനും ഒരുമിക്കുന്ന 29ാം ചിത്രമാണ് ഒപ്പം. ആന്റണിപെരുമ്പാവൂര്‍ നിര്‍മിക്കുന്ന 19ാം മോഹന്‍ലാല്‍ ചിത്രവും. ആന്റണിപെരുമ്പാവൂരിനോട് പതിവായി കഥപറയാന്‍ വരുന്ന ഗോവിന്ദന്റെ കഥയാണ് ഒപ്പത്തിന്റേത്. കഥ ഇഷ്ടമായി. അങ്ങനെ പ്രിയനും ഗോവിന്ദനും പ്രത്യേകം തിരക്കഥ എഴുതി. പക്ഷെ, പ്രിയന്റെ തിരക്കഥ സിനിമയാക്കാന്‍ തീരുമാനിക്കുകയായിരുന്നു. ഒപ്പം ഒരു സസ്‌പെന്‍സ് ത്രില്ലറാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha