കോണ്‍ഗ്രസുകാരനായ സലിംകുമാര്‍ പണ്ട് മൈക്ക് കെട്ടി തെരഞ്ഞെടുപ്പ് അനൗണ്‍സ്‌മെന്റ് നടത്തിയിരുന്നു. കരുണാകരന്‍ കോണ്‍ഗ്രസില്‍ പ്രതാപിയായിരുന്ന കാലമായിരുന്നു അത്. അമേരിക്കയില്‍ ചായ കുടിക്കും പോലെയാണ് ബലാല്‍സംഗം എന്ന് പറഞ്ഞതാരാ എന്ന് പറഞ്ഞൊക്കെയായിരുന്നു അനൗണ്‍സ് മെന്റ്. അത് കേള്‍ക്കുമ്പോള്‍ സി.പി.എം അനുഭാവികള്‍ പറയും നിന്റെ തന്ത. സൂര്യനെല്ലി സംഭവം നടന്നപ്പോള്‍ മുഖ്യമന്ത്രിയായിരുന്ന ഇ.കെ നായനാര്‍ നടത്തിയ കമന്റായിരുന്നു ബലാല്‍സംഘം അമേരിക്കയില്‍ ചായ കുടി പോലെയാണെന്ന്.

സലിംകുമാറിന്റെ അസിസ്റ്റന്റ് ബഷീര്‍ ആയിരുന്നു. ഇടയ്ക്ക് സലിംകുമാര്‍ അയാള്‍ക്ക് മൈക്ക് കൈ മാറും താന്‍ പറയുന്നത് അത് പോലെ പറഞ്ഞാ മതിയെന്ന് നിര്‍ദ്ദേശിക്കും. രാഷ്ട്രീയ ഭീമാചാര്യന്‍ കെ.കരുണാകരന്‍ എന്ന് ബഷീര്‍ പറയുന്നത് കേട്ട് സലിംകുമാര്‍ ഞെട്ടി. രാഷ്ട്രീയ ഭീഷ്മാചാര്യന്‍ എന്നായിരുന്നു താരം പറഞ്ഞിരുന്നത്. അങ്ങനെ താന്‍ പറയുന്നതിന് കടകവിരുദ്ധമായി പറയുന്ന ബഷീറിന് പിന്നെ താരം മൈക്ക് കൊടുത്തില്ല.

ഇത്തവണ വീണ്ടും തെരഞ്ഞെടുപ്പ് അടുത്തുവരുകയാണ്. പഴയപോലെ പ്രചരണത്തിന് പോകാന്‍ കഴിയുന്നില്ല. പറവൂരില്‍ വി.ഡി സതീശനും ചേര്‍ത്തല സിദ്ധിഖിനും വേണ്ടി പ്രചരണത്തിന് പോകുമെന്ന് താരം പറഞ്ഞു. സതീഷന്‍ നല്ല സ്ഥാനാര്‍ത്ഥിയാണ്. മണ്‍ഡലം നോക്കും. സിദ്ധിഖ് പണ്ടേ കോണ്‍ഗ്രസുകാരനാണ്. പിന്നെ സിനിമയിലുള്ള അടുപ്പവും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha