തുടര്‍ച്ചയായ പരാജയങ്ങളാല്‍ ജയറാമിനോടൊപ്പം അഭിനയിക്കാന്‍ അറിയപ്പെടുന്ന പല നായികമാര്‍ക്കും മടി. പ്രശസ്തരായ പല നായികമാരും പല കാരണങ്ങള്‍ പറഞ്ഞ് ജയറാം ചിത്രങ്ങളില്‍ നിന്നും പിന്‍മാറിയിരുന്നു. നല്ല കഥയാണെന്നറിഞ്ഞ് പല നായികമാരും ഡേറ്റും കൊടുത്തിട്ടുണ്ട്. എന്നാല്‍ നായകന്‍ ജയറാമെന്നറിയുമ്പോള്‍ അവര്‍ പിന്മാറുകയാണ് പതിവ്. ഇപ്പോള്‍ ഏറ്റവും അവസാനമായി തെന്നിന്ത്യന്‍ സുന്ദരി റായി ലക്ഷ്മിയാണ് ജയറാം ചിത്രത്തില്‍ നിന്ന് പിന്മാറുന്നത്.
ഡോള്‍ഫിന്‍ എന്ന ചിത്രത്തിന് ശേഷം ജയറാമിനെ നായകനാക്കി ദീപന്‍ സംവിധാനം ചെയ്യുന്ന ചിത്രമാണ് സത്യ. ചിത്രത്തില്‍ ജയറാമിന് രണ്ട് നായികമാരാണ്. റായ് ലക്ഷ്മിയും നിഖിതയുമാണ് നായികമാരായി നിശ്ചയിച്ചിരുന്നത്. എന്നാല്‍ ചിത്രത്തില്‍ നിന്ന് റായ് ലക്ഷ്മി പിന്മാറിയെന്നും പകരം റോമ എത്തുമെന്നുമാണ് സൂചന.
നിഖിതയാണ് ചിത്രത്തിലെ മറ്റൊരു നായിക. ഷെഹനാസ് മൂവി ക്രിയേഷന്‍സിന്റെ ബാനറില്‍ ഫിറോസ് ഷഹീദാണ് ചിത്രം നിര്‍മ്മിക്കുന്നത്.
കണ്ണന്‍ താമരക്കുളം സംവിധാനം ചെയ്ത് ജയറാം നായകനായ ആടുപുലിയട്ടത്തിന്റെ ഷൂട്ടിങ് പൂര്‍ത്തിയായി. ഇപ്പോള്‍ പോസ്റ്റ് പ്രോഡക്ഷന്‍ വര്‍ക്കുകള്‍ നടന്നു വരികയാണ്. ഹൊറര്‍ ചിത്രമായ ആടുപുലിയാട്ടത്തില്‍ ഷീലു എബ്രഹാമാണ് ജയറാമിന്റെ നായികയായി എത്തുന്നത്. ബാഹു ബലിക്ക് ശേഷം രമ്യ കൃഷ്ണനും ചിത്രത്തില്‍ ഒരു പ്രധാന വേഷത്തില്‍ എത്തുന്നുണ്ട്. നൂറ്റാണ്ടുകള്‍ക്ക് മുമ്പ് സംഭവിച്ചു എന്ന് വിശ്വസിക്കുന്ന ഒരു മിത്തിനെ ആസ്പദമാക്കിയുള്ളതാണ് ചിത്രം.
ജയറാമിനെ വച്ച് പടമെടുത്താല്‍ നല്ല നായികമാര്‍ അഭിനയിക്കാത്തത് പല സംവിധായകരേയും ആശയക്കുഴപ്പത്തിലാക്കുന്നു. ഒരുകാലത്ത് മിന്നുന്ന വിജയം കാഴ്ചവച്ച ജയറാമിനോടൊപ്പം അഭിനയിക്കാന്‍ നായികമാരുടെ ഇടിയായിരുന്നു. ആ സ്ഥാനത്ത് നിന്നാണ് ജയറാമിന്റെ ഈ പതനം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha